Москвада “Таблиг жамаат” уюмунун 69 мүчөсү кармалды
Москвада ишмердүүлүгүн жүргүзүп жаткан “Таблиг”жамаатынын 69 мүчөсү Россия федералдык коопсуздук кызматы (ФСБ) тарабынан камакка алынды. Бул тууралуу коопсуздук кызматынын маалымат бөлүмү билдирген.
“Россия федералдык коопсуздук кызматы жана Россия Ички иштер министрлиги Москва облусунда “терроризм” жана “экстремизм”ге каршы биргелешкен операция өткөрдү. Операция негизинен Россияда тыюу салынган “Таблиг жамаат” экстремисттик уюмунун мыйзамсыз аракеттерине чек окюууга каратылды”, – деп айтылат Россия федералдык коопсуздук кызматынын маалымат бөлүмү берген билдирүүдө.
Билдирүүгө ылайык, жамааттын жетекчилери жана көпчүлүк мүчөлөрү Борбор Азия өлкөлөрүнүн жарандары. О.э. аларга кошулган Россиянын жарандары да бар. Бул боюнча кылмыш иши козголгондугун билдирген коопсуздук кызматы, камакка алынгандардын өздүгү о.э. аларга карата кандай жаза колдонулушу тууралуу маалымат бербеди.
О.э. билдирүүдө келишинче, биргелешкен операция учурунда “экстремисттик” адабияттар жана байланыш каражаттары о.э. жамааттын “мыйзамсыз” ишмердүүлүгү тууралуу отчётторду камтыган флешкалар табылган.
2009-жылы Россиянын Жогорку Соту, “Таблиг” жамаатынын ишмердүүлүгү Россиянын аймактык бүтүндүгүнө о.э. Россияда этникалык жана мазхабдар аралык ынтымакка коркунуч туудурат деген шылтоо менен аталган жамаатка тыюу салган.
Айта кетүүчү нерсе, “Таблиг” жамаатына Өзбекстан, Казакстан жана Тажикстанда да тыюу салынган.
