Масжидул-Акса үчүн козголууга чакырган Саудия шахзадасы өлтүрүлдү
Саудиянын мурдагы королу Фахд ибн Абдулазиздин кенже уулу шахзада Абдулазиз Саудиядагы акыркы окуялар учурунда каза болду. Ал да коррупцияда айыпталып, камакка алуу тууралуу токтом чыгарылган адамдардын тизмесинде эле.
Айрым булактар шахзада Абдулазиз бин Фахд камакка алынгандар кармалып турган Эр-Рияддагы Ритз-Карлтон мейманкансында жүрөгү кармап өлгөндүгүн кабарлашты. Башка булактар болсо, аны камакка алуу үчүн келген полиция менен атышуудан өлгөндүгү тууралуу кабарлашты.
Бирок, шахзада Абдулазиздин социалдык тармактардагы айрым пикирлери анын өлүмүнүн себеби тууралуу шек-күмөндөрдү жаратууда. Себеби, социалдык тармактарда яхудийлердин палестиналыктарга каршы зулумдарын сындаган шахзада Абдулазиз ар дайым Масжид ал-Акса үчүн козголууга чакырып келген.
Белгилүү болгондой, шахзада Абдулазиз бин Фахд Твиттер баракчасында мусулмандарды Масжид ал-Аксадагы мусулмандар менен бир болууга чакырып, “Палестина жана Мубарак Масжид ал-Аксадагы боордошторубузду колдоп-кубаттооар бир мусулман үчүн важиб, ар ким колунан келгенин кылышы керек” деген твит калтырган.
Шахзаданын дагы твити төмөнкүдөй: “Эй Мухаммад үммөтү! Аларга өзүңөрдүн ким экениңерди көрсөтүп койгула! Ал-Аксага көңүл бурбастык – бул кордук, ал үчүн Аллах бизди эсеп-китеп кылат”.
Шахзада Абдулзиз дагы башка бир твитинде: “Эй Мухаммад Үммөтү! Биздин үчүнчү мечитибизди кылмышкер баскынчылар тебелеп-тепсеп жатат. Арабызда рошид инсан жокпу? Келгиле, чыгып согушалы. Же жеңишке жетишип аны куткарабыз, же Роббибиздин магфиратына жетишебиз”, – деп жазган.
Кабарда келишинче, жазган тивттерин өчүрүп таштоо үчүн басым өткөрүлгөндө маркум шахзада “Менин жазгандарым Аллах жана Анын Расулуна жетпей туруп аларды өчүрүп таштоо мен үчүн өлүмдөн да жаманыраак” деп, яхудийлерге каршы твиттерин өчүрүп таштоодон баш тарткан.
