Самаркандда өтүүчү конференцияга 500дөн көбүрөөк адам катышат
Өзбекстандын тышкы иштер министрлигинин маалымат кызматы: “2017-жыл, 10-11-ноябрь күндөрү Самарканд шаарында БУУнун демөөрчүлүгү астында Борбор Азияда коопсуздукту жана туруктуу өнүгүүнү камсыздоо боюнча “БорборАзия: бирдиктүү тарых жана жалпы келечек, туруктуу өнүгүү жолундагы кызматташтык” деген аталышта эл аралык конференция болуп өтөт”, – деп кабарлады.
Конференцияга 500 дөн ашык адам б.а. Борбор Азия өлклөрүнүн тышкы саясат мекемелеринин жетекчилери, КМШ, Европа, Азия жана Америка өлөкөлөрүнүн таасирдүү расмий делегациялары, БУУ, Европа Союзу, ЕККУ, ШКУ, КМШ сыяктуу 10 дон ашуун эл аралык уюмдардын жетекчилери, 100 гө жакын белгилүү эл аралыкэксперттер жана чет өлкөлүк ЖМКлардын өкүлдөрү о.э. Өзбекстанда аккредитациядан өткөн дипломатиялык корпустардын мүчөлөрү катышат.
Эки күнгө созула турган форум Борбор Азия өлкөлөрү ортосунда саясий, соода-экономикалык, финансылык, транспорт-коммуникациялык, суу-энергетика, экология жана маданий-гуманитардык тармактардагы кызматташтыкты күчөтүүнүн анык багыттары о.э. өнүгүү боюнча аймактык долбоорлорду ишке ашыруу жана заманбап кооп-коркунучтарга каршы күрөшүүдө мамлекеттердин ыйгарым-укуктарын күчөтүүдө эл аралык уюмдар жана өнөктөш мамлекеттердин ордун талкуулоо мүмкүнчүлүгүн берет.
Форумдун программасына ылайык, БУУнун башкы катчысынын саясий маселелер боюнча жардамчысы Мирослав Енча, БУУнун башкы катчысынын жардамчысы, БУУнун өнүгүү программасынын Европа жана КМШ мамлекеттери боюнча бюросунун директору Жихан Султаноглу, Европа Союзунун тышкы иштер жана коопсуздук боюнча жогорку өкүлү Федерика Могерини, эл аралык кызматташтык жана өнүгүү боюнча Европа комиссары Невен Мимица, ЕККУнун башкы катчысы Томас Гремингер, КМШ аткаруу комитетинин төрагасы Сергей Лебедев, ШКУнун башкы катчысы Рашид Алимов жана башка эл аралык уюмдардын жетекчилери сөзгө чыгат.
Конференцияны Өзбекстандын тышкы иштер министрлиги, БУУнун Борбор Азияда превентивдик дипломатия боюнча аймактык борбору о.э. БУУнун наркотикалык заттарга жана кылмыштуулукка каршы күрөшүү башкармалыгынын Борбор Азиядагы аймактык өкүлканасы биргеликте уюштурууда.
Булак: “Фергана” маалымат агенттиги .
