Трамп: Саудия “бул иш АКШ үчүн өтө маанилүү” деген этибарда карашы керек
АКШ президенти Дональд Трамп Саудиядан Нью-Йорк базарындагы каржылык мамилелерге жана “Насдак” биржасына олуттуу кароону талап кылды. Трамп бул тууралуу жекшемби күнү Японияга учуп бара жатып, учакта журналисттерге берген интервьюсунда айтты. Трамптын айтымында, ал Саудия королу Салман ибн Абдул Азиз менен Саудиянын ири нефть компаниясы “Арамко”нун акцияларын Нью-Йорк биржасына коюу туурасында сүйлөшкөн. Трамптын билдиришинче, учурда сауддар АКШ биржаларынан пайдалануу жөнүндө изденип жатышат.
Трамп: “Алар сот иши жана башка кооп-коркунучтар себептүү муну үйрөнүшкөн эмес. Мен бир аз мурда король менен сүйлөштүм, алар бул ишти үйрөнүп чыгышат. Бул нерсе өтө маанилүү. Биз бардык улуу нерселер бизде болушун каалайбыз”, – деген.
О.э. Трамп ишемби күнү Твиттер баракчасы аркылуу Саудия “Арамко” нефть компаниясы өз акцияларын Нью-Йорк биржасына коюуга ниеттенип жаткандыгын жана ушул маселени АКШ үчүн өтө маанилүү деп эсептешин билдирген эле. Трамптын айтымында, саудиялыктар “бул иш АКШ үчүн өтө маанилүү” деген этибарда карашы керек.
Трамп Твиттер баракчасында: “Саудиялыктар бул АКШ үчүн өтө маанилүү деген этибарда Саудиянын «Арамко» компаниясын АКШда өнүктүрүшөт” “Саудиянын Арамко компаниясы өз акциясын Нью-Йорк биржасына койсо, аларга абдан ыраазы болот элем”, – деди.
Эр-Рияд “Арамко” компаниясынын акцияларын 2018-жылы дүйнөдөгү эң ири биржаларга, ошону менен бирге Нью-Йорк, Лондон жана Токио шаарларындагы биржаларга салуу варианттарын караштырып жаткан, бирок, азырынча компаниянын акциялары кайсы биржага коюлушу тууралуу чечим кабыл алына элек.
