Назарбаев курал соодасы жөнүндөгү Нью-Йорк келишимине кол койду
“Акорда” маалымат кызматынын кабарына таянсак, Казакстан президенти Нурсултан Назарбаев курал соодасы боюнча келишимди ратификациялоо туурасындагы мыйзамга кол койду.
“Мамлекет башчы Казакстан республикасынын “Курал соодасы жөнүндөгү келишимди ратификациялоо туурасындагы” мыйзамга кол койду”, – деп айтылат кабарда.
Казакстан ЖМКларынын маалыматтарына ылайык, аталган келишим төмөнкү түрдөгү курал-жарактардын бардык түрлөрүнө карата кодонулат. Алар, танктар, брондуу машиналар, чоң калибрдеги артиллериялык системалар, аскерий самолёт жана вертолёттор, аскерий кемелер, ракеталар жана ракеталарды учуруучу системалар, ок атуучу жана жеңил курал-жарактар.
Келишимге ылайык ар бир катышуучу мамлекет улуттук көзөмөл системасын түзөт. О.э. маалымат алмашуу боюнча улуттук байланыш борборун белгилейт.
