Путин АКШнын 755 дипломатын Россиядан чыгарууга токтом кылды
Россия Президенти Владимир Путин Россиядагы АКШ дипломаттарынын санын азайтууга токтом кылды. Россиянын 24-телеканалына интервью берген Путин АКШ элчилиги жана консулдуктарында иштеп жаткан 755 АКШ дипломатынан ишмердүүлүгүн токтотууну жана мамлекеттен чыгып кетүүнү талап кылды.
Путин: “АКШнын Россиядагы дипломаттарынын саны 755 адамга кыскартылууда. Мына ошондо Россиянын АКШдагы дипломаттарынын саны менен бирдей болот. Т.а. эки тарапта тең 455тен дипломат болот”, “Учурда Россияда миңден ашык дипломаттар жана техникалык кызматкерлер ишмердүүлүгүн жүргүзүүдө. Булардын 755и ишмердүүлүгүн токтотууга мажбур. Себеби, бул өтө көп”, – деди.
О.э. кошумчалап: “(Россия-АКШ алакасында) кырдаалдын өзгөрүшүнөн үмүтүбүз бар эле. Биз узак убакыт бир топ нерселердин жакшырышын күттүк. Бирок көрүнүп тургандай, жакынкы келечекте бирер өзгөрүш болбойт. Эч нерсени жоопсуз калтырбастыгыбызды көрсөтүп коюунун убагы келди”, – деди.
Путиндин бул аракети Вашингтондун Россияга каршы жаңы санкцияларына жооп катары бааланууда. АКШ Сенаты өткөн жума күнү Россияга каршы санкцияларды колдонуу токтомун тастыктап, аталган токтом ишке ашырыла тургандыгын жарыя кылган эле.
АКШ админстрациясы Путиндин жогорудагы токтомун сындады. АКШ мамлекеттик департаментинин өкүлү Путиндин токтомун “негизсиз жана өкүнүчтүү кадам” деп сыпаттап, Вашингтон мындай кыскартууларга жана мындан кийинки кадамдарга мамиле билдире тургандыгын баса белгиледи.
Туркистон:
Россия (Путин), “АКШ ыраазы болор бекен, Батыштын санкцияларынан куткарып калар бекен о.э. режимди сактап калар бекен” деп үмүттөнгөн эле. Бирок, андай болбоду.
Натыйжада Путин Россияны экономикалык, саясий, сакафий жана аскерий жактардан кризиске алып келип койду. Сириядагы АКШнын ыраазылыгы үчүн болгон согушу Россияны ички жана тышкы исламий дүйнө менен өтө кескин абалга алып келип койду. Режим өкүлдөрү болгон олигархтардын ачкөз саясаты болсо, Россияны экономикалык кризис абалына кептеди. Эл аралык саясатта болсо, Россия дээрлик жетекчи мамлекеттер катарынан түшүп, агрардык т.а. сырьё сатып тирилик кылуучу үчүнчү мамлекеттер катарына кошулуп барууда.
Батыш системасы Россияны толук колония кылуу аракетин баштады. Навальный башында турган, режимге каршы пикирий нааразылык багытын Батыш колдоп турат. Иштер эмдиги жылдагы шайлоого чейин ушундай улана берсе, Путиндин жеңилиши анык. Ошондуктан, Путин мамлекетти Батыштын сакафий жана финансылык колдоо механизминен тазалоо ишин баштамакчы болууда. Себеби, Америка дипломаттары, журналисттери жана укук коргоочулардын өтө чоң бөлүгү ЦРУнун кызматкерлери же аларга караштуу болгон адамдар. Бирок, Путиндин бул аракети да режимди сактап калышы күмөн!
