АКШ үчүнчү өлкөлөргө бастырып кирүүнү БУУ аркылуу мыйзамдаштырып алмакчы
“Sputnik” сайтынын кабарына таянсак, Вашингтон “Ал-Каида” жана “ИШИМ”дин аймактык филиалдарын БУУнун террорчу уюмдар тизмесине киргизүүнү сунуштап жатат.
Адистер: “Эгерде аталган сунуш макулданса, Вашингтон америка мыйзамчылыгына ылайык үчүнчү мамлекеттердин аймактарында атайын операцияларды башташы мүмкүн”, – деп айтышууда.
Россия жана башка мамлекеттер, ошону менен бир катарда Мисир АКШнын бул сунушуна каршы чыгууда.
Расмий Мисирдин билдиришинче, “Ал-Каида” аймактык бөлүмүнүн тизмеге киргизилиши, жергиликтүү бийликтин аталган коркунучка каршы күрөшө алышына шек жаратат. Андан тышкары, Москва да аталган сунушка шектенүү менен карап жатат. “Себеби, жогоруда аталган уюмдарга байланышы бар террорчу топтордун саны анчалык эле көп эмес, ошол себептен, өкмөт бул коркунучтарды өз күчү менен жеңүүгө кудуреттүү”.
Кабарда: “Америкалыктар террорчу уюмдар тизмесин кеңейтүү аркылуу башка мамлекеттердин ички иштерине аралашууну мыйзамдаштырып алуу ниетинде”, – деп айтылат.
Туркистон:
Жогорудагы АКШнын сунушу мыйзамдаштырылып калса, анда бул мыйзам эки максатка кызмат кылуучу эл аралык нормага айланып калышы мүмкүн.
Биринчиси: “Ислам мамлекети” уюмун шылтоолоп, күтүлүп жаткан жана тикелениши анык болгон чыныгы Исламий Халифалык мамлекетин пайда болору менен жок кылып жиберүү үчүн аскерий аралашуу укугуна ээ болуу. Бул нерсе куфр дүйнөсүнүн жалпы кызыкчылыктарынан келип чыккан демилге болуп, долбоордун ушул максатына эч бир мамлекет каршы чыкпайт.
Экинчиси: “Ислам мамлекети” уюумун жана башка исламий согушкер топторду шылтоолоп, АКШ өзүнүн максаты жана кызыкчылыгы жолунда, башка жетекчи мамлекеттердин колонияларын басып алуу укугуна ээ болууну көздөп жатат. Россия жана башка бир катар мамлекеттерди долбоордун ушул тарабы гана тынчсыздандырат.
Бул долбоор БУУ тарабынан тастыкталса, АКШга дүйнөнүн каалаган жеринде аскерий кийлигишүү укугун мыйзамдаштырып берет.
