ИИМ: Жардыргыч зат алып бара жаткан адам кармалды
Нарын облусунун тургуну жардыруучу зат алып бара жаткан учурда кармалды. Бул тууралуу 6-апрелде ИИМдин басма сөз кызматы кабарлаган.
Кабарга таянсак, 4-апрелде ИИМдин Ысык-Көл жана Нарын облустары боюнча башкармалыгынын кызматкерлери тарабынан “Балыкчы-Нарын” автожолунда Нарын облусунун Миңбулак айылынын 35 жаштагы К.Д. аттуу тургуну кармалган. Аны текшеришкенде жанындагы полиэтилен баштыктын ичинен скотч менен орлогон эки даана цилиндр түрүндөгү буюм табылган. Алардын биринин узундугу 15 см, экинчиси болсо 4 см болуп, бири-бирине электр зымы аркылуу туташтырылган зат болгон.
Мындан тышкары, полиэтилен баштыктын ичинен сары-боз түстөгү аммонитке окшош жардыруучу зат табылган.
Алынган материалдар Нарын облустук ИИБне өткөрүп берилген.
Туркистон:
Кыргызстан бийлиги Путиндин “мусулмандардын атынан террордук иштерди уюштуруу аркылуу абалды оңдоп алуу” долбооруна шерик болууга аракет баштамакчы. Бул өтө ыплас жана жийиркеничтүү ыкма болуп, эртели-кеч тарых алдында ачыкка чыгат. Путин адамзатка каршы массалык кыргындарды ишке ашырган жетекчилердин катарынан орун алат. Анын өнөктөштөрү жана айланасындагылар ушул дүйнөнүн өзүндө кор болушат, инша Аллах.
Казакстандын тышкы иштер министрлиги Петербургдагы жардырууда өлгөн жаранын коргоосуна алып, “бул жигиттин террорччуларга эч кандай байланышы болгон эмес” деп, анын сөөгүн ошол эле күнү жакындарына алып берди. Кыргызстан бийлиги болсо, жардыруу Россиянын атайын кызматы тарабынан уюштурулганын билип турса да, мурдагы жаранын коргоого жарабады. Жок эле дегенде, россиялык ЖМКлар туура эмес кабарларды таратып жатканына раддия билдирип, “ал адам өзбек улутундагы Россиянын жараны болсо, болгону биздин өлкөдө төрөлүп калган экен, аны эмне үчүн бизге байланыштырып жатасыңар” деп айтууга да жарабады. Анын ордуна өзүнүн жарандарына каршы антиттеррордук аракеттерди баштоого аракет кылууда.
