УКМКнын кызматкерлери 7,5 кг баңгизат менен кармалды
Кыргызстан Улуттук коопсуздук мамлекеттик комитетинин басма-сөз кызматы маалымдашынча, 7-март күнү УКМКнын өздүк коопсуздук кызматы менен ИИМ биргеликте өткөргөн иш-чаранын жүрүшүндө мурунку жана азыркы УКМК кызматкерлери мыйзамсыз баңгизатын жүгүртүүгө шектүү катары кармалган. Иш-чаранын жүрүшүндө алардын колунан 7,5 кг баңгизаты алынган.
Учурда кармалган жарандар ШИИБдин убактылуу кармоочу жайына киргизилди.
Туркистон:
Кыргызстанда борбордук өкмөттүн таасир күчү кеңейип барган сайын күч органдары кудум, бийлик ичиндеги өзүнчө бир бийликке айланып барууда. Алгач расмий өкмөт өзүнө каршы болгон күчтөрдү көзөмөл жана коркуу астында кармап туруу үчүн күч органдарына үлкөн мүмкүнчүлүк жана салахият берип келди. Мындан тышкары, өкмөт күч органдарын башкаруу аппаратын дайындоодо, өзгөчө УКМКга башчы дайындоодо негизги этибарды кесибине эмес, балким алардын канчалык итаат кылышына каратты. Мунун натыйжасында бул тармакка эч кандай тиешеси болбогон адамдар башчылыкка келишти. Акыбетте бул тармак эң коррупциялашкан тармакка айланды. Негизги милдети элдин кызыкчылыктарын жана коопсуздугун камсыздоо болгон бул мекеме жарандардын, айрыкча мусулмандарын эсебинен байлык артыруучу кылмышкер топко айланып калды.
ИИМдин басма-сөз бөлүмү тарабынан чыгарылган отчетто, өткөн жылдын 9 ай аралыгында жарандар тарабынан орган кызматкерлери үстүнөн 1840 арыз келип түшкөн. 55 орган кызматкерлери иштен айдалып, 71 кызматкер иштен бошотулган. Мындан тышкары 1318 орган кызмакери жоопко тартылып, 693 материал тергөөгө жөнөтүлгөн. Булардын ичинен 81 кылмыш иши козголгон. Ушуга карабай өкмөт өзүнүн жана жарандар коопсуздугун ушул кылмышкерлерге, т.а орган кызматкерлерине толук тапшырып койду. Жогорудгаы арыздар жүздөгөн мазлум жарандардын бирөөсү тарабынан жазылган болушу мүмкүн. Анткени көп учурларда жарандар арыз жазуудан да коркушат. Негизи мындай зулумдар расмий айтылган отчеттон көп. Буга орган кызматкерлери үстүнөн алып барылып жаткан иштер көбүнесе басты-басты кылынышы же бүтүндөй ал ишти жаап жаткандыктарын да кошуу мүмкүн. Өкмөт т.а. министрлер бул иштерге көз жумуп кана тим болбостон, балким кылмышкерлерге жардам берип жана шериктик кылышат. Анткени аларга бул ыплас иштерден түшкөн пайдалар жогорудагылары менен бөлүшүлөт.
