Путин: Россиянын куралдуу күчтөрү Кыргызстандын коопсуздугун камсыздап жатат
Россия президенти Владимир Путин 28-февраль күнү Бишкекте Алмазбек Атамбаев менен жолугушкандан кийинки маалымат жыйынында Кантта жайгашкан Россиянын аскерий базасы Кыргызстандын коопсуздугун камсыздап жаткандыгын билдирди.
Путин:“Билбегендерге эскертип коеюн, Кант шаарындагы биздин базабыз 1999-2000-жылдары Кыргызстандын жетекчилигинин өтүнүчү боюнча ачылган болчу. Анда Кыргызстан Ооганстандан келген эл аралык террорчулардын чабуулуна кабылган. Эгер Кыргызстан “биз өзүбүздүн күчүбүздү бекемдеп алдык” десе ошол күнү чыгып кетебиз”,- деди.
Туркистон:
Россия Борбор Азияда аскерий күчтөрүн сактап калуу максатында Кыргызстанга 1,1 миллиард доллардык аскерий техника жана курал-жарак жеткирип бере баштаган эле. Россия берилип жаткан аскерий жардам Афганистандан келиши мүмкүн болгон “ИШИМ” коркунучун жок кылууда Кыргызстан куралдуу күчтөрүнүн мүмкүнчүлүгүн жогорулатуу максатында берилип жатканын айтып келет.
А бирок, Кыргызстан армиясы өзүнүн аскерий кубатын Россия техникаларын сатып алуу менен канчалык күчөтсө да, баарыбир тышкы коркунучтардан коргоно албайт. Себеби, Россия ага дүйнөлүк талаптарга жооп бере турган, акыркы үлгүдөгү техникаларды бербейт. Тескерисинче, арзан, эски жана запаста туруп, мөөнөтү өтүп кеткен техникаларын кымбат баа менен өткөрүп, ушул аркылуу Кыргызстандын карызына дагы ошумча карыздарды жазып коёт. Айрыкча, Россия берген БТР-70М 2000 жылдардын башында чыгарылып, азыркы аскерий талаптарга жооп бербейт.
Россия бийлигинин Афганистан коркунучу тууралуу айткандары турмуш чындыгына дал келбей турган сөздөр болуп, эегерде ал жердеги исламий күчтөр биз тарапка аракеттенишсе, алар Кыргызстанда россиялык күчтөр турганы үчүн, же болбосо Кыргызстан Россияга аскерий шарттарды кеңири түзүп берип жатканы себептүү гана чабуул кылышы мүмкүн.
