Бул чабуулдардын буйрутмачысы колонизатор мамлекеттер
Стамбулдагы “Рейна” түнкү кулубунда жаңы жыл майрамын белгилеп жаткандарга карата уюштурулган жана 39 адам өлүп, 69 адам жарадар болгон куралдуу чабуулга карата ар тараптан каралоолор башталды. Ушул чабуулду катуу каралагандардын бири дүйнөлүк уламалар уюмунун жетекчиси доктор Юсуф ал-Карзовий.
Юсуф ал-Карзовий өзүнүн Twitter баракчасындагы билдирүүсүндө: “Стамбулда ишке ашырылган террордук чабуулдарды катуу каралаймын. Түркиянын коопсуздугу – бул бүтүндөй ислам дүйнөсүнүн коопсуздугу. Түркияны жок кылууну каалаган күчтөр тынымсыз чабуул уюштурууда. Түрк калкы биригип, аларга каршы турушу керек”, – деди.
Түркия дин иштери башкармалыгынын башчысы Мехмет Гөрмес да түнкү клубга уюштурулган чабуулду каралап, бул чабуул ибадатканага уюштурулган чабуулга барабар экендигин баса белгиледи. “Бул бир жырткычтык. Базарларда же сыйынуучу жерлерде уюштурулган кыргын менен көӊүл ачуучу жерлерде уюштурулган кыргындын ортосунда эч кандай айырма жок”, – деди Гөрмес.
Бул окуядан кайгыга баткандыгын билдирген Ирандын президенти Хасан Роухани болсо “Терроризмге каршы күрөшүп, аны жок кылмайынча, вирус сыяктуу бардыгына жугат” деди.
Түркия президенти Режеп Таййип Эрдоган бул окуя тууралуу билдирүү берип, Түркия өз жарандарынын коопсуздук жана тынчтыгын камсыздоо үчүн ар кандай ишке даяр экендигин баса белгиледи. Президенттин айтымында, өлкө тынчтыгына каратылган коркутуулар жана чабуулдарды түп-тамыры менен сууруп таштоодо Түркиянын чечими олуттуу.
Хизб ут-Тахрир Түркияда эле эмес, бардык исламий өлкөлөрдө ишке ашырылып жаткан кандуу чабуулдардын артында АКШ жана Батыш мамлекеттери тургандыгын кайталап келет. Хизб ут-Тахрирдин билдиришинче, мындай террордук аракеттердин чыныгы буйрутмачылары, колонизатор кафир мамлекеттер экендиги анык.
Хизб ут-Тахрирдин Түркиядагы басма сөз бөлүмү чыгарган билдирүүлөрдүн биринде: “Шек-күмөнсүз, террористик чабуулдардын чыныгы буйрутмачылары колонизатор кафир мамлекеттер. Силер болсо, ошолор менен достошуп, союздаш болуп жатасыӊар. Демек, алардан эсеп-китеп талап кылуунун убагы келди. Бул иш армиянын жана силер акимдердин мойнуӊарда. Колонизаторлор менен дос болуп турган соӊ, бул проблемаларды эч качан чеч албайсыӊар. Айланага көз чаптыргыла, колонизатор АКШ силерди акырындап Иран менен байлап алып жаткандыгын көрбөй жатасыӊарбы. Алгач Иракка өкүмдар болду, эми болсо Сирияга. Курдистан Жумушчулар партиясы менен Демократиялык Биримдик партиясын колдоп жаткандар жана аларды силердин көз алдыӊарда курал-жарак, аскердик техника менен камсыздап жаткандар да ушул америкалык колонизаторлор”, – деп айтылат.
