АКШ “Россияны басып турууга” 4,3 миллиард доллар бөлөт

АКШ “Россияны басып турууга” 4,3 миллиард доллар бөлөт

АКШ президенти Барак Обама жума күнү мамлекеттин 2017-жылдагы аскерий бюджет мыйзамына кол койду. Билдирүүдө келишинче, ушул документ биринчи кезекте Коргоо министрлиги программасы жана аскерий курулушка тиешелүү долбоорлор боюнча чыгымдарды назарда тутат. О.э. Энергетика  министрлигинин улуттук коопсуздукту камсыздоого тиешелүү долбоорлорун да камтыйт.

Бюджеттен “Россияны басып туруу” үчүн 4,3 миллиард доллар бөлүндү. Ошону менен бир катарда, Пентагонго Украина проблемасы чечилгенге чейин Москва менен кызматташуу үчүн каражаттарды иштетүүгө тыюу салынды. О.э. Россиянын Крымдагы башкаруусун тан алуучу бардык түрдөгү аракеттерге тыюу салынды.

Кабыл алынган мыйзам президентке адам укуктары жана коррупция боюнча каалаган мамлекеттин жарандарына карата санкция киргизүү мүмкүнчүлүгүн берет. АКШдагы мал-дүйнөсү да конфискация кылынат.

Мындан тышкары, документ Сириядагы оппозицияга куралдарды, айрыкча зениттик-ракета комплекстерин жеткирип берүүнү да камтыган. Аскерий бюджетте Украинага 350 миллион доллар өлчөмүндө жардам берүү да белгиленди.

Мамлекеттин коргоо тармагына бөлүнгөн чыгымдар НАТОну Чыгыш Европада колдоп-кубаттоо жана Жакынкы Чыгыштагы аскерий опреацияларды өткөрүүнү макулдоого да болжолдонгон.

О.э. тастыкталган чыгашалар ракетадан коргонуучу глобалдык системаны да назарда туткан.