Халабдык намыстуу кыздын каты
Халабдык абийирдүү муслималардын бири Ислам үммөтүнүн уламалары менен Ислам өлкөлөрүнүн жетекчилерине кат жолдоду. Социалдык тармактар аркылуу тараган жана Үммөттүн жетекчилерине, ар түрдүү шаръий уюмдарга, үммөттүн камы менен жүргөндүгүн дааба кылып жаткан кишилерге каратылган катта халабдык муслима кыз мындай деп жазат:
“Мен жакында душман басып ала турган Халаб шаарындагы кыздардын биримин. Бул жерде өздөрүн “мекен сакчылары” деп атаган жырткычтардан бизди коргой турган курал-жарак да, эркектер да калбады. Силерден эч нерсе каалабаймын, ал тургай дуба кылышыӊарды да каалабаймын. Сүйлөгөнү чыдамым жетип турган соӊ, менин оюмча, силердин кеп-сөзүӊөргө караганда менин дубам абзелирээк. Бирден-бир каалаган нерсем, силер мен өлгөндөн кийин өзүӊөрдү Аллахтын ордуна коюп, мен бара турган жай тууралуу фатва чыгарууга аракет кылбагыла.
Мен бир аздан кийин жанымды кыям! Силердин мен жөнүндө “тозокко кетти” деп айтышыӊардын мен үчүн кыпындай да мааниси жок. Мен өз өмүрүмө кол салам! Себеби, мен эми атамдын үйүндө көпкө кала албаймын. Атам артында калгандарга кайгырып жатып дүйнөдөн кайткан эле.
Мен башка нерсе үчүн эмес, бир нече жийиркеничтүү-паскечтер денемден ырахат албасын үчүн өз жанымды кыйып жатам. Алар ушул кезге чейин Халабдын атын тилге алууга да батына алышпайт эле.
Мен өз жанымды кыям! Себеби, Халабда кыямат башталды. Мындан да жаманыраак тозок болбосо керек деп ойлоймун.
Мен өз жанымды кыям! Силер менин тозокко кеткендигим тууралуу фатва чыгара башташыӊарды билем. Силерди бириктирген жападан-жалгыз нерсе бир кыздын өз жанын кыюусу. Ал силердин энеӊер эмес, кызыӊар да эмес, аялыӊар да эмес, силер үчүн маанилүү болбогон бир кыз.
Сөзүмдүн аягында айтарым, силер чыгарган фатванын мен үчүн – кудум өмүрүм сыяктуу – кыпындай да кадыры жок. Силер бул фатваны өзүӊөр жана үй-бүлөӊөр үчүн сактап койгула.
Мен өз жанымды кыям! Силер ушул кабарды окуп жаткан болсоӊор, билип койгула мен булардын бардыгына карабастан, пакиза абалда дүйнөдөн өткөн боломун”.
