Кыргызстан Хизб ут-Тахрирге террорист тамгасын басууну көздөп жатат
УКМК кызматкерлери Хизб ут-Тахрир исламий саясий партиясына террорист тамгасын жабыштырмакчы
Туркистон:
Ноябрдын аягы жана декабрь айынын башынан баштап, Бишкек шаарында жана анын айланасында УКМК кызматкерлери тарабынан мусулмандарга каршы бир катар операциялар өткөрүлдү. Бул сыяктуу операциялар өкмөттүн жыл сайын кайталануучу отчёту болуп, мусулмандар бул иштерге көӊүл бурушпайт эле. Алар адатта Хизб мүчөлөрүнүн үйлөрүнө атайын кызматтын ондогон куралдуу кызматкерлери жана милиция кызматкерлери менен биргеликте эртелеп бастырып киришчү. Максаты, Хизб мүчөлөрүнөн адамдарды алыстатуу үчүн атайылап ызы-чуу пайда кылуу эле.
Кезектеги тинтүү УКМК кызматкерлери тарабынан Сейитбеков Шамшарбек аттуу Хизб мүчөсү жашаган үйдө ишке ашырылды. УКМК кызматкерлери анын үйүнө, беш даана колго жасалган жардыруучу зат деп шектелген нерсени таштап коюшту. НТС телеканалы бул заттарга эксперттердин тыянагы чыкпай туруп эле, жардыруучу заттар табылды деген маалыматты берип жиберди. Телеканал Шамшарбектин апасы менен агасы экстремизмде айыпталып, учурда жаза мөөнөтүн өтөп жатканы тууралуу да билдирди. Өз кезегинде Шамшарбек да видео кайрылуу менен чыгып, үйүнө бастырып кирген кызматкерлердин иш-аракеттери тууралуу билдирүү таратты. https://web.facebook.com/duinokechebugunjanaerten/videos/899965360140130/
Ооба, Шамшарбектин 60тан ашып калган апасы жана бир тууган агасы абакта жатат. Алар да, кудум Шамшарбек жана ага окшогон жүздөгөн мусулмандар сыяктуу эле, жалаа жана зулумдун курмандыгы болуп, залимдер зынданында олтурушат. Алар Аллахтын динин бийик кылып, коомубузда Жаратуучунун өкүмдөрүн өз ордуна алып келүү үчүн аракет кылып жаткандыгы себептүү абакта отурушат.
Бирок, Шамшарбектин ишинде башка бир саясий багыт көрүнүп калды. Өкмөт “Хизб ут-Тахрир уюмунун мүчөлөрү материалдык жана аскерий аракеттерди кылууга даярдык көрүп жатышат” деген жалаага чөйрө жаратуу үчүн даярдык иштерин баштады. Бул аракеттер Россиянын атайын кызматтарынын кураторлугу астында, алардын кеӊеши менен жүрүп жаткан аракеттер болуп, максаты, Хизб ут-Тахрирге расмий түрдө террорист тамгасын жабыштырууга каратылган.
Кыргызстанда исламий мухиттин таасири күчөп барууда. Илманий (светтик) элита болсо бир нече бөлүктөргө бөлүнүп, бири-бири менен келише албай, алсырап бара жатат. Бийлик дээрлик ар тармакта кризистик абалга түшүп, аларга карата элдин жек көрүүсү күчөп барууда. Кырдаалдан чыгуу үчүн бийлик исламий мухитке жана мусулмандарга каршы жасалма согуш уюштурууга катуу аракет кылууда. Жарандарды исламий коркунуч менен коркутуу үчүн, жогорудагы сыяктуу мусулмандарга жардыруучу заттарды таштап коюп, маалыматтык чабуул уюштуруу менен коомчулукта ызы-чуу пайда кылууну көздөп жатышат. Максатына жетишкен соӊ т.а. жарандарды исламий мухит кооптуу деп ишендирип алган соӊ, адамдар көп чогулуучу бир жерди жардырышат. Буга биз дүйнөдөгү террордук операцияларда күбө болуп келе жатабыз. Андан соӊ, колундагы маалыматтык машинасы аркылуу Ислам жана мусулмандарга каршы маалыматтык чабуулун ого бетер күчөтүшөт.
Эй Кыргызстан мусулмандары, Кыргызстан аймагында мусулмандар жардыруу иштерин кылуусуна эч кандай негиз жана кызыкчылык жок. Хизб ут-Тахрир болсо, жардыруу иштери Хизб мүчөлөрүнө кыяматка чейин дурус эмес деп билет.
Бул аракеттер бузуку күчтөрдүн катышуусу же кеӊеши менен уюштурулуп жаткан провокация болуп, алардын максаты исламий мухит өкүлдөрү менен бийлик өкүлдөрү ортосунда согуш же карама-каршылык пайда кылуу. Бул сыяктуу туруксуз абал жүз берсе, кыргыз бийлиги калктын көӊүлүн башка тарапка буруу менен өзүнүн кризистик абалын жаап-жашырууга аракет кылат. Режимин күчөтүп, аскерий тармакка материалдык колдоону күчөтүү менен алардын ыйгарым-укуктарын күчөтүп, мамлекетте күтүлүп жаткан саясий толкундоолордун алдын алууда бизден пайдаланып калууну көздөп жатат.
Эй Кыргызстан калкы, өкмөт мусулмандарды өздөрүнүн ыпылас саясий оюнуна тартууну көздөп жатат. Бул провокациядан мусулмандар таза жана четте турушат. Биз бул сыяктуу ыпылас ыкмаларга мамиле билдиришибиз керек. Бийлик Путиндин 1999-жылдары террордук операцияларды уюштуруу менен бийликти кармап калган саясий ыкмасынан өрнөк алууда. Бирок, эл аралык саясатта Кыргызстан Россияга теӊеле албайт. Ошондуктан, бул багыт Кыргызстан калкы үчүн өтө эле кымбатка түшүп калышы мүмкүн. Пайгамбарыбыз с.а.в. мындай деген:
مَثَلُ القَائِم في حُدُودِ اللَّه والْوَاقِع فيها، كَمثل قَومٍ اسْتَهَموا على سَفِينَةٍ، فَأَصابَ بَعْضُهم أعْلاهَا، وبعضُهم أَسْفلَهَا، فكان الذي في أَسفلها إذا استَقَوْا من الماء مَرُّوا على مَنْ فَوقَهمْ، فقالوا: لو أنا خَرَقْنا في نَصِيبِنَا خَرقا ولَمْ نُؤذِ مَنْ فَوقَنا؟ فإن تَرَكُوهُمْ وما أَرَادوا هَلَكوا وهلكوا جَميعا، وإنْ أخذُوا على أيديِهِمْ نَجَوْا ونَجَوْا جَميعا
«Аллахтын мыйзамдарын аткарып жаткан адам менен аткарбаган адамдын мисалы кемедеги бир коомго окшойт. Алардын айрымдары кеменин үстүңкү кабатынан, айрымдары астынан жай алышкан. Кеменин астыңкы кабатындагылар суу алышмакчы болсо, үстүңкүлөрдү басып өтүшчү. Ошондо алар «жогорудагыларды козгобой эле ушул жерден тешип ала калсак кантет» деп калышты… Эгер үстүңкүлөр аларды өз абалына таштап коюшса, бардыгы өлүшөт. Эгер токтотуп калышса, өздөрү да, кеменин астыңкы бөлүгүндөгүлөр да – бардыгы аман калышат».
