Россия Өзбекстандын негизги өнөктөшү
Өзбекстан коргоо министри, генерал-полковник Кабул Бердиевдин билдиришинче, Россия Өзбекстан үчүн негизги стратегиялык өнөктөш болуп эсептелет. Ал мындай пикирин россиялык кесиптеши Сергей Шойгу менен жолугушусу учурунда билдирди.
“Бизди Россия менен өтө көп нерсе байланыштырып турат. Байланыштырып турат дебестен, биз бөлүнгөн эмеспиз деп айтууга болот. Балким, кызматташтыгыбыз активдүү болбогон учурлар болгондур, бирок, биз ар дайым Россия менен биргебиз, Россия биз үчүн негизги стратегиялык өнөктөш”, – деди Бердиев.
О.э. өзбек офицерлери жана курсанттары Россиянын аскерий окуу жайларында билим алуусу кайрадан башталышы себептүү Сергей Шойгуга тереӊ ыраазычылык билдирди. Эскерте кетсек, өзбекстандык офицер жана курсанттардын Россиядан билим алуусу 2012-жылдан баштап токтотуп коюлган эле.
Мындан бир аз мурда, Өзбекстан менен Россия коргоо министрлеринин жолугушуусунда эки мамлекет ортосунда аскерий-техникалык кызматташтыкты өнүктүрүү туурасындагы келишимге кол коюлган болчу.
