Сөздөрдүн эң жакшысы амал менен тастыкталганы
Бир адамдын сөздөрү канчалык чын дилден чыгып жаткандыгын аныктоочу нерсе, ал сөздөрдүн кылып жаткан иштерге туура келиши. Айтылган сөз амал менен тастыкталса гана туура жана таасирдүү болушу мүмкүн. Улуу сахаба Саид ибн Амир р.а. азирети Умар р.а.га: “Сөздөрдүн эӊ жакшысы амал менен тастыкталганы”, – деген эле.
Айтылган сөз Аллах Тааланын да, пенделеринин да алдында маанилүү болушу үчүн амал менен тастыкталышы керек. Сөз менен амал бири-бирине туура келиши керектигин Аллах Таала Саф сүрөсүндө мындай баян кылат:
يَاأَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَكَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ
Эй момундар, силер эмнеге өзүӊөр кылбай турган нерсени (кылабыз деп) айтасыӊар?! Силердин өзүӊөр кылбай турган ишти (кылабыз деп) айтууӊар Аллах алдында өтө жаман көрүлгөн (иш).(61:2-3)
Демек, айтылган сөз амалда тастыкталбаса, демек, ал адам күнөөкөр болот.
Ушул жерде президент Эрдогандын ал-Жазира телеканалына интервью берип жатканда айткан сөздөрүнө көӊүлүӊүздү бурмакчымын. Эрдоган ал-Жазира менен өткөргөн маегинде Мухаммад с.а.в. жана анын сүннөтү өзү үчүн жол картасы болушун, бул сүннөттү турмушта колдонуу менен каталардан арылганын билдирди.(https://www.ntv.com.tr/dunya/cumhurbaskani-erdogan-el-cezireye-konustu,yZ550n8DzkCVHbF2cBfdTA)
Расулуллах с.а.в.дын сийраты бизге белгилүү болгондой эле, Эрдогандын саясий иштерин да көрүп турабыз. Айтып өткөнүбүздөй, айтылган сөз ордун табышы үчүн амал менен тастыкталышы керек. Сахих жолдор менен риваят кылынган Пайгамбарыбыздын жашоосу жана сүннөтү Эрдогандын бул сөздөрү чындык же жалган экендигин ачып берет. Анткени, сөздөрдүн эң жакшысы жана Аллахтын алдында өтүмдүүсү амал менен тастыкталганы. Кыскача айтканда, айтылган сөз далилдениши керек. Ал эми Эрдогандын иштери Пайгамбарыбыздын сүннөтүнө туура келеби, анын жолу чындап эле Расулуллах с.а.в.дын жолуна туура келеби, муну биргеликте көрүп чыгабыз.
- Бир тарапта Аллахтын душмандарын эч качан дос тутпаган, Аллахка душмандык кылгандарды өзүнүн душманы деп билген о.э. алардын пайдасы үчүн Исламдан баш кыпындай болсо да тартпаган Пайгамбар турса, экинчи тарапта болсо Аллахтын душмандарын дос туткан, алардын ыраазылыгы үчүн Ислам жана анын баалуулуктарынан баш тарткан жетекчи турат.
- Бир тарапта “Аллахтын Нусраты качан келет” деп айтыла турган оор азаптар жана кыйынчылыктарга дуушар болушуна карабастан, нусрат бир гана Аллахтан келишинен үмүттөнгөн пайгамбар турса, экинчи тарапта болсо чоӊ мамлекеттерге кучак жайган, алардан жардам күткөн жана алар менен ар түрдүү келишимдерди түзгөн жетекчи турат.
- Бир тарапта “وَلَا تَرْكَنُوا إِلَى الَّذِينَ ظَلَمُوا فَتَمَسَّكُمْ النَّارُ”–“Зулум жолун туткан кимселерге берилип кетпегиле (ээрчибегиле). Антпесе, силерге тозок оту жетет”, – деген аятка амал кылып, залимдерге каршы мазлумдардын жанында турган Пайгамбар турса, экинчи тарапта болсо залимдер менен кызматташып, мусулмандардын каны төгүлүшү үчүн жарым сөз менен болсо да салым кошкон жана мазлумдардын муӊ-зарына кулак салбаган жетекчи турат.
- Бир тарапта “Аллахтын динин тургузуу үчүн жиберилдим”, деп Аллахтын динин жашоодо өкүмдар кылууну максат кылган жана өкүмдарлыкты Аллахка гана тапшырган пайгамбар турса, экинчи тарапта болсо илманийликке үгүттөгөн, өкүмдарлык укугун Аллахтан алып адамдар тарабынан ойлоп табылган түзүмгө берген жана аны коргогон жетекчи турат.
- Бир тарапта “وَأَنْ احْكُمْ بَيْنَهُمْ بِمَا أَنزَلَ اللَّهُ” – “Демек, адамдар ортосунда Аллах түшүргөн нерсе менен өкүм кылгын!” аятына ылайык, адамдар арасында Аллах ыраазы боло турган өкүмдөр менен өкүм кылган, башка өкүмдөр менен өкүм жүргүзүүнү оюна да келтирбеген пайгамбар турса, экинчи тарапта болсо демократиянын жемиши болгон эркиндик жана заманбаптык ураандары астында Аллахтын өкүмдөрүн турмуштан алыстаткан жетекчи турат.
- Бир тарапта мусулмандардын намысын коргоо үчүн кошуунду аттандырган пайгамбар турса, экинчи тарапта болсо мусулмандар намысы жөнүндө сөз болгондо оозеки билдирүүлөр менен гана чектелген жетекчи турат.
- Бир тарапта “мусулмандар үчүн кайгырбаган абалда таӊ атырган киши алардан эмес” деген жана мусулмандар дартын өзүнүн дарты деп билген пайгамбар турса, экинчи тарапта болсо Кашмир, Чыгыш Түркстан, Ирак, Палестина жана Сирияны көрмөксөн болгон, аларга жардам колун сунбаган жетекчи турат.
- Бир тарапта канчалаган азаптарга карабастан, кафирлер менен кызматташууну четке каккан пайгамбар турса, экинчи тарапта болсо кафирлердин жамандык столуна отуруп мусулмандардын баалуулуктары үстүндө келишимдерди түзгөн жетекчи турат.
Эрдоган жана ал сыяктуу жетекчилерге төмөнкүдөй суроо менен кайрыламын:
Расулуллах с.а.в. жашоосунун кайсы барагында жана кайсы сүннөтүндө Аллахтын өкүмүн турмуштан четтеткен илманий түзүм жана демократияга дуушар болдуӊар? Айткылачы, Расулуллах с.а.в. Аллахтын душмандарын качан дос тутуптур? Кайсы жерде жана качан бирер шаарыбыздын басып алынышына көз жумуп коюптур? Же Расулуллахтын жардам сурап кайрылгандардан жүз үйрүгөндүгүн көрдүӊөрбү?
Эч качан! Расулуллах с.а.в. сийратынын эч бир жеринде бул иштерге дуушар болбойсуӊар.
Эй жетекчилер, эй Эрдоган!
Силерчи, кафирлерге каршы мусулмандар менен бир сапта тура алдыӊарбы? Жок. Тескерисинче, силер Сирияда урандылар астында калган мусулмандардын муӊ-зарына кулак салбадыӊар. Акса Мечитинин “араӊарда эр жүрөк адамдар калбадыбы?” деген кайрылуусуна көӊүл буруп да койбодуӊар. Ислам диярларында зулумга учураган мусулмандарга жардам берүүнүн ордуна зулум кылып жаткан кандуу колдорду кармап, мусулмандарга кыянат кылдыӊар. Шейиттер каны үстүндө арзыбаган келишимдерди түзүп баскынчы яхудий вужуду “Израиль” менен келишип алдыӊар жана Аллахтын душмандарын дос туттуӊар.
Пайгамбарыбыз с.а.в.дын сүннөтү да, Эрдогандын иштери да ачык-айкын. Ынсап менен баа берген адам “Эрдогандын жол картасы Расулуллах с.а.в.дын сүннөтүнө ылайык келет” деп айта алабы?! Муну айтуу үчүн ал адам ынсаптан жүз үйрүгөн адам болушу керек.
Урматтуу окурмандар, балким силердин араӊарда мага Расулуллахтын мушриктер менен түзгөн Худайбия келишимин эскертмекчи болгондор бар чыгар. Айта кетүүчү нерсе, башынан аягына чейин вахий аркылуу ишке ашырылган, чегинүүнүн кыпындай да көлөмүн өз ичине албаган, тескерисинче азиздиктен турган Худайбия келишими Исламдын атынан саясат жүргүзүп жаткандар үчүн далил болуудан таза. Алар өздөрүнүн саясий иштерине Худайбия келишимин далил кылып келтириши Расулуллах с.а.в.га жана мусулмандарга карата доомат кылуу болуп эсептелет.
Тыянактап айтканда, Эрдоган жана ал сыяктуу жетекчилер жүргөн жол Расулуллах с.а.в.дын жолу эмес. Тескерисинче, алардын жолдору Аллахтын душмандарын ыраазы кыла турган жол. Биз Пайгамбарыбыздын мубарак минхажынан алыс, кафирлердин орбитасы менен аракеттенген жетекчилерди каалабайбыз. Тескерисинче, Расулуллах с.а.в.дын жолу менен жүрүп, мусулмандарды кайгы-кападан арылта турган, боордошторунун жанын батыштыктардан азиз билип, армияларын боордоштору үчүн кыймылга келтире турган о.э. душманды коркууга сала турган Рошид Халифалыкты каалайбыз. Себеби, Рошид Халифалык Расулуллах с.а.в. мураска калтырган башкаруу жана ал зат башарат кылган акыйкат.
Ассаламу алайкум ва рохматуллохи ва барокатух.
Абдуллах Имамоглу.
