Twitter аркылуу Атамбаевди коркуткан жаранды УКМК издеп жатат
Кыргызстандын президенти Алмазбек Атамбаевди жан таслим кыла турганын Twitter баракчасында жазып, өзүн Муслим деп атаган жаранды УКМК издеп жатат. Аталган факты боюнча тергөө иштери башталганын аталган мекеменин маалымат кызматы билдирди.
Пайдалануучу өзүн Муслим деп тааныштырып, жакында “Кыргызстандын президенти Алмазбек Атамбаевди өлтүрөм, мени күт” деп жазган.
Twitter баракчасына жарыялаган бул билдирүүсүнө бир катар маалымат агенттиктери менен телеканалдарды белгилеген.
Ал Twitter баракчасына ушул жылдын 12-ноябрында катталган. Геотегде Сирия көрсөтүлүп турат.
Туркистон:
Кыргызстандын коопсуздук кызматкерлери өтө эле майдаланып бара жатышат. Социалдык тармакта эмнелер гана жазылбайт. Алар чиркейден пил жасагандай аракеттери менен эмнеге жетишүүнү көздөп жатышат? Алар бул твиттердеги билдирүүнү Ислам жана мусулмандарга байланыштырып, бул аркылуу Сириядан биз тарапка коркунуч келе жаткандай кылып көрсөтмөкчү болуп жатышат.
Бирок алар берген маалыматтарга ылайык, Сирияда 500дөй кыргызстандык мужахид бар. Алардын ар бири президентти өлтүрүүгө даяр. Бирок, Кыргызстандын ичинде, ал тургай президенттин айланасында эле канчалаган адам анын өлүмүн күтүп турат. Же алардын канчасы президентти өлтүрүү максатында ыӊгайлуу учурду аӊдып жүрүшөт? Жүздөгөн оппоненттери президенттик кресло үчүн гана анын өлүмүн күтүп турушат. Камакта жаткан муслима аялдардын жакындарычы, алар өч алууну каалабайт деп ойлойсуӊарбы? Эртеӊки күнү жүздөгөн адамдар президентти өлтүрүшү мүмкүн экендигин жазып социалдык тармакты толтуруп жибериши мүмкүн. Рахат Сулайманов муну токтотуп кала албайт. Жакшысы президент бул сыяктуу сөздөрдү уга турган, өз калкынан ажырап, ага зулум кылып, кайдыгер болуп, жарандарынан кооптонуп жашай турган абалга түшпөөсү керек. Коопсуздук кызматы президентти коргой албаса, анда аларды таркатып жиберүү керек.
Бирок, булар башка проблеманы көтөрүп жатышат. Т.а. булардын көздөгөнү социалдык тармактарды чектөө же тоскоолдук кылуу о.э. Сирияда деп шектелген мусулмандардын кайтып келишине жол бербестик. Муну ишке ашыруу үчүн алар мусулмандардын үстүндө болуп жаткан репрессивдик аракеттерин күчөтүшөт. “Сирияга адамдарды жөнөтүп жатат” деген жалган жалаа менен дагы көптөгөн мусулмандарды кылмыш жоопкерчилигине тарта башташат. Коррупцияга баткан күч түзүмүнүн кызматкерлерине дагы да кененирээк жол ачып, мусулмандардын үйлөрүнө бастырып кирүү үчүн ордер алууга дагы да көбүрөөк мүмкүнчүлүктөрдү түзүп беришет. Ислам жана мусулмандарга карата ээлеген позициясында бул президентин да мурункулардан айырмасы болбоду!
