بسـم الله الرحمن الرحيم
Кыргызстанды кандай келечек күтүүдө
Парламенттеги коалициянын таркап кетиши жана жаңы коалициянын түзүлүшү менен кээ бир депутаттар келечекте боло турган басымдардан коопсурап, бийликтин ушул күнгө чеин кылып келе жаткан бир канча айыптарын ачып таштады. Анда жол курулушу, мектептер туурасындагы иштер, аларга бюджеттен акча ажыратууга жоопкер болгон комиссиянын жоопкерчилиги, саламаттыкты сактоо министрлиги, врачтар, жылына миңдеген ымыркайлардын набыт болушу, милиция кызматкерлеринин кылган кылмыштары, алардагы паракорлуктар, баскынчылык иштери, бул маселелердеги башчыларынын жоопкерчилиги, аварияларда каза болгон жана жаракат алган адамдар, айыл чарба продуктуларынын да четтен келиши, жада калса помидор, картошка, алма о.э сүт азыктары да четтен кирип келиши менен Кыргызстандын айыл чарбасын бүтүндөй шал абалга алып келейин деп калгандыгын жана жумуш орундарынын жылдан-жылга азайып жаткандыгын айтып өтүштү. Бул иштерде президент өкмөттү жана андагы кадрларды түздөн-түз өзү дайындап жаткан адамдар бардык иштен жоопкер деп президентке суроо маанисинде сөз салышты; эмнени карап жатасыңар? Эмне менен алектенип жатасыңар?
Бул сөздөрдү айтуулары менен жаңы өкмөткө, өзгөчө Атамбаевге; бизге кылып жаткан басымдарыңарды ойлоп кылгыла, болбосо ишти башка жака буруп жиберебиз деп эскерткен болушту. Эл алдында болсо, калкка күйгөн, алардын көйгөйлөрүн түшүнө турган, келечеги үчүн жан бере турган баатырларга айланууну максат кылышты. Өкмөттүн иштен кеткен мурунку атка минерлери да бир аз козголо баштады. Эл башчылыгына кайрадан кайтууларына үмүт кылышууда.
Түпкүрүндө президент баш болуп өкмөт эмне менен алектенип жатканы аларга анык белгилүү, жада калса алар өздөрү да бул иштин ичинде. Алар өз пайдаларына келгенде калкты ойлошпойт, жада калса мыйзамдарды да бузуулары адатка айланган. Эми мыйзам ээлери т.а депутаттар өз ара келише албай калганда, ар бир конституция беренесин бетке кармап, өз кызыкчылыктарын коргошот. Ушундай убакта күчтүүсү конституцияга өзгөртүү киргизип болсо да өз максаттарына жетүүнү каалайт. Ошондуктан конститутцияга өзгөртүү киргизип болсо да президент өзү каалагандай иш кылышты, т.а, өкмөткө келүүдө Россия алып койгон милдеттерди аткарууну жана ал тарабынан өз ордунда калыш үчүн кылынып жаткан убадаларга жетишүү, тескери иш кыла турган болсо келечеги оор болушунан качууга даярдануу максатында аркет кылууда. Буга конститутцияга өзгөртүү киргизбесе максатына жете албайт. Ошон үчүн келерки айга референдумдун өткөрүлүүсүн белгиледи. Бирок добуш берүү да адаттагыдай, жалган болуп, жакшы натыйжалар менен өткөндүгү жарыя кылынат жана ага каршы болгондорго мүмкүнчүлүктөр азаят. Куугунтуктоолор болушу ыктымал. Ошон үчүн каршы тарап алдын алып, өкмөттүн кемчиликтерин эскертип жатат. Эгер биз менен эсептешпесең биз башка жолго өтөбүз деп эскертүүдө. Эл алдында өздөрүн баатыр кылып жаткандыктары болсо куру кеп. Аларга мансап берилсе же өздөрүнө аз гана кооп туулса бул кептер да токтойт. Мындай болушун биз мурунтан айтып келебиз. “Хизбий уюшуу” деген китебибизде төмөндөгүчө келет:
“…ушуга карабастан, ал өз мамлекети үчүн чын дилинен козголбойт жана эли үчүн бүтүндөй берилбейт. Анткени ал өз айланасындагы абалдарды сезбейт жана элдин муктаждыктарын да чын сезбейт. Мейли ал козголуп, ойгонуу (элдин өнүгүү)сүн талап кылса да, бул анын жеке кызыкчылыктарына зыян жеткендигинен улам же башка калктардын козголоңдорунан улам болгон козголуу болот. Ошон үчүн ага мансап берилиши же анын талаптары кандырылышы менен ага жетип жаткан зыян жоголгон убакта анын козголуусу бүтөт. О.э, козголуу өзүнө жана кызыкчылыктарына каршы келген убакта же бул козголуудан өзүнө зыян жеткен убакта да анын козголуусу токтойт”.
Биз мындай акыйкатка абдан көп жолу күбө болуудабыз. Расулуллах (с.а.в):
«لاَ يُلْدَغُ المُؤْمِنُ مِنْ جُحْرٍ وَاحِدٍ مَرَّتَيْنِ»
«Момун бир тешиктен эки жолу чактырбай», деп, бир жолу ишенүү мүмкүн, алдангандан кийин да ишенүү момундун иши эмес деп жатат. Бул хадисти Бухарий чыгарды.
Абу Зар.
