Президентти акаараттагандар кылмыш жазасына тартылат
Тажикистан парламенти жогорку палатасы мамлекеттик Кылмыш кодексине өзгөртүү киргизүү туурасындагы мыйзамды макулдады. Ага ылайык, кимде ким өлкө башчысын коомчулук алдында акаараттап же ушактаса кылмыш жоопкерчилигине тартылат. Өзгөртүүлөр 26 октябрь төмөнкү палатанын депутаттары тарабынан кабыл алынды.
Президенттин аткаруучу аппараты жана мамлекеттин мыйзам чыгаруу комитети, жогорку палата башчысы Озода Рахмон Тажикистан парламенти сенаторуна кайрылып мындай деп маалымдады:- “Мамлекеттик кылмыш-жаза кодексине төмөндөгү тиркемелер бекитилген; Баш мыйзамдын 137-беренесинин 1-пунктуна ылайык, ар кандай ушак таркаткан жана мамлекет жетекчиси, тынчтык жана улуттук биримдик негиздөөчүсү болгон Эмомали Шарипович Рахмоновго карата акаарат сөздөрдү айткан киши кылмыш жоопкерчилигине тартылат. Мындай кылмышкерлерге карата мамлекет мыйзамына ылайык 5 жылга чеин жаза мөөнөтү белгиленип, эркинен ажыратылат. Улут башысына кылынган терс маанидеги сөздөр кандай ыкмада айтылгандыгы эске алынбайт. Т.а, кылмышкер мейли газета аркылуу болсун, мейли массалык маалымат каражаты жана интернеттен пайдаланган болсун айырмасы жок, жаза берилет”.
Өткөн шейшемби күнү Тажикстан парламентинин жогорку палата мүчөлөрү тарабынан “Улут жетекчиси – тынчтык жана биримдик негиздөөчүсү туурасындагы” – мыйзам кабыл алынган эле. Ага ылайык, Улут башчысынын колго алынышы, ага тинтүү жүргүзүү иштеринин болушу толугу менен тыюу салынган. Муну менен бирге аны жана жакын туугандарынын малы мүлкүнүн коопсуздугу камсыздалган.
О.э, улут башысынын аты менен атайын фонд ачылды жана улут башчысы ордени жана улут башчысы сыйлыгы киргизилди. Тажикстан төмөнкү палатасынын депутаттары тарабынан бир добуштан Эмомали Рахмонго Тажикстан негиздөөчүсү макамы берилди.
Ушу менен бирге шейшемби күнү “Тажикистан мамлекетинин президентин экономикалык жактан камсыздоо, ага кызмат кылуу жана коргоо “туурасындагы конститутсия мыйзамын тастыкташты. Мыйзамга ылайык мамлекеттеги бардык ырым-жырымдар, улуттук каада-салттар жана майрамдык иш-чараларда, алардан өкмөт жыйындарында жана парламент межлистеринде улут Башчысы үчүн атайын жай болот. Бул жай заманбап маалымат каражаттары жана техникалар менен жабдылат.
Тажикистан мамлекетинин “ Улут башчысы – тынчтык жана улуттук биримдиктин негиздөөчүсү” туурасындагы мыйзамды бир добуштан 9-декабрь күнү парламенттин төмөнкү палатасы жана 18-декабрда болсо парламенттин жогорку палатасы тарабынан тастыкталган.
