Милиция кызматкерлери тоноочулукта шектелип колго алынды
Перзидент Алмазбек Атамбаев 31-октябрь күнү Бишкек шаарында ИИБ кызматкерлерине жаңы үйлөрдү тапшыруу аземинде, милиция сыпатындагы бир-эки “крыса”лар үчүн бүткүл министрликке жалаа жаппаш керектигин айтып өткөн.
Бирок, милиция сыпатындагы “крыса”лар күн сайын көбөйүп бара жатса, милиция кызматкерлери өздөрү ээлеген мансап жана милдетинен пайдаланып элди талап-тоноп акча иштеп жатса дагы жана милиция кызматкерлери тарабынан мындай иштер дээрлик ар күнү болуп жатса да алар туурасында жакшы пикирде кала беришибиз керекпи?
Ички иштер министри берген кабарга ылайык, өткөн аптада милиция кызматкерлери тоноочулукка күмөндөлүп колго алынды. Буга чеин Чүй облусунун тургуну арыз менен милицияга кайрылган. Арызга ылайык, милиция кызматкери андан жеке машинасында алып барып коюушун суранышкан. Бирок, жолдо бара жатып ага карата күч колдонуп, уруп-токмоктоп чоң өлчөмдөгү акчаны тартып алышкан.
Кабарда келишинче, текшерүү убагында бул ишке Панфилов райондук ички иштер бөлүмүнүн кызматкерлери катышкандыгы аныкталган. Окуя боюнча “каракчылык”, “кызмат укугунан ашыра пайдалануу” жана “кызмат ордунан кыянат менен пайдалануу” беренелери боюнча тергөө иштери башталып, материалдар райондук прокуратурага жөнөтүлгөн.
Бирок кабарда кылмышка күмөндөлгөн милиция кызматкерлеринин саны жана канча өлчөмдөгү акча тартып алынганы туурасында айтылбаган.
Туркистон:
ИИМ басма сөз кызматынын 21-октябрь күнү таркаткан маалыматы боюнча, ушул жылдын өткөн 9 ай аралыгында (январь-сентябр) жарандар тарабынан милиция кызматкерлери үстүнөн 1840 арыз келип түшкөн. 55 милиция кызматкери иштен айдалып, 71и иштен бошотулган. Мындан тышкары, 1318 орган кызматчысы жазага тартылып, 693 материал тергөөгө жөнөтүлгөн. Булардын ичинен 81 кылмыштык иш козголгон.
Милиция кызматкерлери тарабынан кылынган ушундай кылмыштардан кийин да биз аларга ишеним артып, урматтай беришибиз керекпи?
