Шиа агымынын белгилүү уламаларынын бири Субхи Туфайли Иран бийлигин наалаттоого татыктуу саясат жүргүзүп жаткандыкта айыптады. Субхи Туфайлинин айтымында, Иран бийлиги Хизбулла уюмуна мазхабдар аралык согуш чыгаруу милдетин тапшырган. Туфайлинин билдиришинче, Куддусту куткаруу үчүн бирер аракет кылбаган Иран бийлиги Ислам дүйнөсүн бири-бири менен согуштурууга аракет кылып жаткан АКШ жана Израиль менен кызматташтыкта иш жүргүзүп жатат.
“Иран Хизбуллага мазхабдар аралык согуш чыгаруу милдетин жүктөдү. Бул согуш Америка жана Израилдин пайдасына кызмат кылат. Биз бүгүн региондо өтө чоң фитна ичинде калдык. Ислам өлкөлөрүнүн күчтөрү жана мүмкүнчүлүктөрү түгөнүп бара жатат. Иракта, Ливияда, Афганистанда, Пакистан, Сирияда, Яманда.. кыскасы бардык жерде бир исламий топ башка бир исламий топко каршы согушка киргизилип жатат. Бири башкасын жок кылууда. Мындан кимге пайда? Булар кокустукпу? Бул абалдар алдын ала пландаштырылбай эле ишке ашырылып жатабы? Жок, таптакыр андай эмес. Бул АКШ жана Израилдин планы. Бул план мусулмандар бири-бирин өлтүрүшү үчүн түзүлгөн план. АКШ жана Израиль үчүн эң жакшы күн – бул мусулман мусулманды өлтүргөн күн. Бул мамлекеттердин бардыгы АКШга байланышкан абалда аракет кылышат жана учурда булардын бардыгы АКШга муктаж абалга түшүп калышты. Сириядагы бийлик АКШга байланышкан абалда согуштарды улантууда. Ирак, Сирия жана бүтүндөй Ислам дүйнөсүндөгү саясат АКШнын пайдасына каратылган. Иран наалатка татыктуу саясат жүргүзүп жатат. Бул жерде Иран жана башка мамлекеттер АКШ менен кызматташтыкта иш жүргүзүп жатышат. Бүгүн мусулман өлкөлөр АКШга жакшы көрүнүүгө умтулуп жатышат. Иран да ошолордун катарында экендиги анык. Башка Ислам өлкөлөрү да ушуга окшогон иштерди кылууда. Мусулмандардын биримдиги мындай көрүнүштө жүзөгө чыкпайт. Мазхабчылык жана фитна-фасад менен Исламга кызмат кылынбайт. Иран Куддусту куткаруу каалоосун билдирет, а бирок буга тиешелүү бирер ишти кылбайт”, – деди Хизбулла уюмунун мурдагы башкы катчысы Субхи Туфайли.
