Кыргызстан президенти Алмазбек Атамбаев Темир Сариевди өкмөттүн башына эч качан жакындаштырбастыгы жөнүндө убада бергендигине карабастан, Россиянын каалоосуна ылайык Темир Сариев үстүбүздөгү жылдын май айында премьер-министрлик кызматка келди. Темир Сариев өкмөттүн башына келери менен Россиянын Кыргызстандагы кызыкчылыктарын ишке ашырып, айрыкча орус өкмөтүнүн көрсөтмөсү негизинде Ислам жана мусулмандарга, Ислам дининин баалуулуктарына каршы ачык күрөш баштап жиберди. Темир Сариев бул кызматтары менен Россияны ыраазы кылган окшойт, ошол себептен да Россия аны дагы кайрадан өкмөттүн башына алып келүүгө токтом кылды.
Ушул жылдын 4-октябрында болуп өткөн шайлоодон кийин ишин баштаган Жогорку Кенештин депутаттары 5-ноябрдагы жыйынында Темир Сариевди дагы кайрадан премьер-министр кылып шайлашты. Сариевдин талапкердигин ошол жыйынга катышкан 118 депутаттын бардыгы бир добуштан макулдашты жана Сариев тарабынан сунушталган өкмөттүн курамы, түзүмү жана программасын тастыкташты.
Ошентип, Темир Сариев премьер-министр кызматында калды. Анын биринчи орун басары Аалы Карашев, экономикалык маселелер боюнча орун басары Олег Панкратов, социалдык маселелер боюнча орун басары болсо Гулмира Кудайбердиева болду.
Арзыбек Кожошев -Экономика министри;
Мелис Турганбаев – Ички иштер министри;
Жылдыз Мамбеталиева -Адилет министри;
Адылбек Касымалиев -Финансы министри;
Кубатбек Боронов –Өзгөчө кырдаалдар министри;
Турдуназир Бекбоев –Айыл чарба жана мелиорация министри;
Қудайберген Базарбаев –Социалдык өнүктүрүү министри;
Эльвира Сариева –Билим берүү жана илим министри;
Алтынбек Максутов -Маданият, маалымат жана туризм министри;
Талантбек Батыралиев –Саламаттыкты сактоо министри;
Аргынбек Малабаев -Транспорт жана коммуникациялар министри;
Эрлан Абдылдаев –Тышкы иштер министри болуп дайындалды.
Президент Алмазбек Атамбаевдин квотасы негизинде дайындалуучу УКМКнын төрагасы Бусурманқул Табалдиев кызматынан бошотулду. Анын ордуна ушул кезге чейин УКМКнын анализдөө бөлүмүнүн директору кызматын аркалап келген Абдил Сегизбаев дайындалды.
Мындан тышкары Атамбаевдин буйругуна ылайык, куралдуу күчтөрдүн башкы штабынын башчысы Асанбек Алымкожоев кызматынан бошотулуп, анын ордуна орун басары Жаныбек Капаров дайындалды.
Мындан тышкары, жаӊы түзүлгөн коргоо иштери боюнча мамлекеттик комитеттин жетекчиси болуп башкы штаб жетекчисинин орун басары Марат Кенжисариев дайындалды.
