АКШнын мамлекеттик катчысы Жон Керри Өзбекстандын Самарканд шаарында Орто Азияда жайгашкан беш мамлекеттин тышкы иштер министрлери менен “Беш плюс бир” (С5+1) форматында жыйын өткөрдү. Жыйындын соӊунда Афганистанга кошуна болгон мамлекеттер эл аралык терроризм (Исламдын өнүгүп барышы) сыяктуу маселелерде өз ара кызматташтыкты күчөтүү керектиги туурасындагы документке кол коюшту. О.э. документте коопсуздук, соода, энергетика, экология жана билим-берүү секторлорунда АКШ менен кызматташуу да көрсөтүп өтүлдү.
Керри жыйын учурунда АКШнын Орто Азия мамлекеттери менен бир бүтүн көрүнүштө кызматташууга кызыкдар экендигин билдирди. АКШ мамлекеттик катчысынын билдиришинче, АКШнын регионго жардам көрсөтүшү үчүн жаңы план түзүлгөн.
Жолугушуудан кийин уюштурулган маалымат жыйынында Жон Керриге адам укуктары туурасында суроо бермекчи болгон журналист конференциядан чыгарып жиберилди. “Washington Post” гезитинин журналисти адам укуктарына тиешелүү суроо бермекчи болуп жатканда, “адепсиздик” кылганы үчүн өзбек полициясы о.э. кийиминде Америка тилинде “дипломатиялык коопсуздук” деген жазуусу бар кызматкерлер тарабынан мажбурлап залдан чыгарып жиберилди.
АКШ жооптуулары журналисттин мыйзамсыз аракет кылгандыгын жана бир аздан кийин дагы кайрадан залга кириши үчүн уруксат бериле тургандыгын билдирди. АКШ тышкы иштер министрлигинин жооптуусу журналистти мажбурлап тышкарыга чыгарып таштаган Америка дипломатиялык коопсуздугу кызматкерлеринин иш-аракеттери үчүн кечирим сурады.
