Доктор Ияд Кунайбий камакка алынды

Амалий билимдер университетинин профессору жана фармацевтика факультетинин изилдөөчүсү, иорданиялык белгилүү мутафаккир доктор Ияд Кунайбий Иордания полициясы тарабынан камакка алынды. Акыркы алынган кабарларга ылайык, 15-июнь күнү Кунайбийдин иш ордуна т.а. университетке бастырып кирген полициячылар профессорду өздөрү менен полиция борборуна алып кетишкен жана ошондон кийин ал кишинин камакка алынгандыгы кабарланган.

Ияд Кунайбийдин кандай айып менен камакка алынгандыгы туурасында бирер маалымат жок. А бирок, бир аз мурда Доктор Кунайбий Иорданияда болуп өткөн акыркы окуялар туурасында макала жазган эле. Доктор өзүнүн макаласында Иордания коомчулугу жүздөнүп жаткан проблемаларды беренелерге ажыратып бир-бирден сунуштайт.

10 беренеден турган макаласында Ияд Кунайбий мамлекетте бузуктук иштерге себеп боло турган иш-чаралар мамлекет башчылыгында уюштурулуп жатканын сындап, хижабдуу муслималар “терроризмге каршы күрөш” деген аталышта кысымдарга дуушар болуп жатканына көӊүлдү бурат. Доктордун жазышынча, 13-18 жаштардагы жигит-кыздар “яхудийлер менен жолугушуп турушсун” деген максатта сионисттердин оюн-зоок өткөрүлүүчү жерлерине жана сууда сүзүүчү бассейндерге алып барылган.

О.э. Ияд Кунайбий Иордания экономикасын күчөтүү шылтоосунда Израиль менен газ келишими түзүлгөндүгүн, мамлекет башчыларынын “Charlie Hepdo”  карикатурасы артынан жүз берген Франциядагы жүрүштөргө расмий түрдө катышкандыгын, Өлүк Деӊиз жыйынында Шимон Перес тынчтык каарманы катары көрсөтүлгөндүгүн, гейлер жана лесбиянкалар мамлекетте ачык эле ишмердүүлүгүн жүргүзүшү үчүн АКШ элчисинин сапарына байланыштуу жыйын уюштурулгандыгын катуу сындаган.

“Элдин көпчүлүгү ойгонбой жатат. Эч бир шерменделикти четке кагуу сыяктуу дарты жок. Ал тургай, өз үйүн реформа кылуудан да качышат”, “Мамлекет жооптууларына жалтактабай, эки жүздүүлүк кылбастан, бул иштер туурасында жакшылап ойлонуп көргүлө. Тескерисинче, алардын кылып жаткан иштерине шерик болосуӊар”, “Булардын бардыгын эсиӊерден чыгарбагыла, Аллахтан балээ келгенде “эмне үчүн үчүн” деп сурап отурбагыла”, – деп айтылат Доктор Кунайбийдин макаласында.

Туркистон: Аллах боордошубузга сабыр берсин.