Король Салман Саудия калкына акча таркатты

 Дүйнөнүн бир нече мамлекеттери бюджет таӊкыстыгы жана экономикалык проблемаларды башынан өткөрүп жаткан бир убакта, Саудияда таптакыр башкача абал өкүм сүрүп жатат. Бийликке жаңы келген король Салман бин Абдулазиз Саудия калкына таркатуу үчүн 32 миллиард доллар бөлдү.

Король Салман бийликке келгендигине байланыштуу элге таркатуу максатында бөлүнгөн 32 миллиард доллар мамлекеттердеги компанияларга, жооптууларга, жумушчуларга, чет өлкөдө же мамлекеттин ичинде билим алып жаткан саудиялык студенттерге таркатылды. Жеке адамдар накталай акча көрүнүшүндө алып жаткан жардамдарга курсант экендиктерин билдиришүүдө.

Саудияда король алмашкандан кийин элге акча таркатуу салты жаңы бийликке каратылган чабуулдарга тоскоолдук катары бааланууда. Король Салман бийликке келери менен министрлердин ордун алмаштырды. Ал эми элге акча таркатууну да көӊүлдөн четте калтырбады. Мамлекетте иштеп жаткан жумушчулар бир айда эки эсе көп айлык алышты.

Жаңы королдун бийликке келишине байланыштуу таркатылган 32 миллиард доллар Африкадагы экономикасы эӊ жогорку мамлекет  болгон Нигериянын бир жылдык бюджетинен көптүк кылат.

Экономикасы нефть үстүнө курулган жана дүйнөнүн эӊ көп нефть сатуучусу болгон Саудиянын нефтиден түшкөн кирешелеринде олуттуу жетишпестик жүз берди. Нефть  баасынын өтө төмөндөп кетишинин артынан 2015-жылы нефтиден түшө турган киреше мурунку жылдарга караганда 44,5 миллиард долларга аз болушу божомол кылынууда. Буга король Салман таркаткан 32 миллиард кошула турган болсо, Саудия экономикасында 2015-жылы 67,5 миллиард дефицит болушу күтүлүүдө. Бул цифра Саудиянын ИДПсынын тогуз пайызына барабар. Саудия өкмөтүнүн бул дефицитти эмне менен жабышы азырынча белгисиз.