Мисирде иш-аракет алып барып жаткан “жардам жана кутулуу” уюмунун жетекчиси Ахмад Ансорийдин сөздөрүнө таянып “Франция” маалымат агенттигинин кабар беришинче, Мисир коопсуздук күчтөрү менен “Мусулман агайындар” жамаатынын тарапкечтери ортосунда жүз берген кагышууларда 51 адам өлүп, 268 адам жарадар болгон.
Ахмад Ансорий Каир жана Ажиззада жүз берген кагышууларда 46 адам, Мисир борборундагы Бан Шарифте 4 адам жана Алмания аймагында 1 адам өлгөндүгүн маалымдады.
Мисир коопсуздук күчтөрү ушул кагышуулардан кийин 423 адамды окуяга катышы бар деген негизде камакка алды.
Кабарларда айтылышынча, нааразылык акциясын уюштурган “Мусулман агайындар” жамаатынынын тарапкечтери Тахрир майданына өтүүгө аракет кылышкан. Коопсуздук күчтөрү болсо аларды таркатуу үчүн алгач көздөн жаш агызуучу газ колдонгон. Андан кийин чыныгы октор пайдаланылган. Күбөлөрдүн айтышынча, өлгөндөрдүн көпчүлүгү көкүрөгүнө жана башына тийген октон каза болгон.
Кагышуулар Мисирдин башка шаарларында да жүз берди. 7-октябрдын таӊында өлгөндөрдүн саны 53кө жеткени, 270тен ашык адам жарадар болгондугу тууралуу Мисирдин саламаттыкты сактоо министрлиги кабар таркатты.
Мындан мурда Мисирдин ички иштер министринин орунбасары Сайид Шафик “Мусулман агайындар” тарапкечтерине эч бир жерде нааразылык акцияларын жана пикеттерди өткөрүүгө урксат берилбестигин жарыя кылган болчу. Шафиктин айтышынча, “Мусулман агайындар” жамаатына Мисир расмийлери тараптан тыюу салынган. Ошондуктан, бул топтун тарапкечтеринин акцияларды өткөрүүгө акысы жок.
“Эгерде “Мусулман агайындар”дын тарапкечтери министрликтин токтомуна каршы чыгышса, аларга карата мыйзам негизинде чара көрүлөт”, – деп жарыя кылды Мисир ички иштер министринин орун басары.
Кыргызстанда бай-кедей ажырымы үч жылда эки эсе өстү Кыргызстанда үч жыл мурун калктын эң бай…
Басма сөз баянаты Газа жалгыз калдыбы?! Кыргын, ойрондулук жана курчоо Газада кадыресе көрүнүшкө айланып калды.…
Басма сөз баянаты Шам тогутунун камактарында ачыкталган үрөй учурган көрүнүштөр Уммат перзенттеринин жүрөгүндө өкүмдарларды жок…
Бисмиллаахи рахмаанир рахиим Суроо-жооп Электрондук соода Ассаламу алайкум уа рахматуллоохи уа баркатуху. Аллахым өмүрүңүзгө береке…
بِسْمِ اللهِ الرَّحْمٰنِ الرَّحِيمِ Бардык мусулмандарга, өзгөчө Шам калкына кайрылуу!!! Аллахка мактоолор, Расулуллахка жана Ал…
Жаңы жылды майрамдоо – харам! Мусулмандардын коргоочусу, шариятты колдонуучу Ислам мамлекети жок болгон бүгүнкү учурда Ислам…