Суроо: Ассаламу алайкум, курамында спирттин айрым түрлөрү болгон атырларды колдонуу өкүмүнүн шархы кандай? Аллах сиздерди жалгасын.
Жооп: Ва алайкум ассалам ва рохматуллохи ва барокатух.
Курамында спирти бар атырларга хамрдын өкүмү түшөт. Анткени, Муслим чыгарган хадисте ибн Умар Расулуллах С.А.В.дын “Ар бир мас кылуучу нерсе – хамр, ар бир мас кылуучу нерсе – харам” дегенин айтат.
Расулуллах С.А.В. Абу Давуд Жабир ибн Абдуллахтан чыгарган хадисте: “Кайсы бир нерсенин көбү мас кылса, анын азы да харам” деди.
Сарвари каинат С.А.В. хамр деп аталмыш суюктуктун эмне экендигин айтып, ар бир мас кылуучу нерсе – аз болобу же көп болобу – ал арам деп баян кылган.
Эми бул атыр, одеколон сыяктуулар мас кылабы же жокпу, муну билиш үчүн анын манатын аныктоо керек, тактап айтканда, эгер ошол нерседен аз же көп ичсең бул нерсе мас кыла турган болсо, демек, ал хамр эсептелет жана ага хамрга тиешелүү он түр нерсенин арам экендиги колдонулат. Аким “Мустадрак”та Абдуллах ибн Умардан жана ал атасынан риваят кылып келтирген хадисте Расулуллах С.А.В.: “Аллах хамрды лаанаттады, анын куюучусун жана ичүүчүсүн, сыгып берүүчүсүн жана буюртмачысын, ташып берүүчүсүн жана ташып берилүүчүсүн, сатуучусун жана сатып алууучусун, акчасын жечүсүн жана ал ким үчүн сатып алынса ошонусун лаънаттады”, – деген.
Адистер суюктуктарга аралаштырылган спирт маддаларынын таасири жөнүндө “бул суюктук эгер ичиле турган болсо, мас кылуучуга айланат” деп айтышкан.
Пайгамбар С.А.В. бул тууралуу: “Ар бир мас кылуучу нерсе – хамр, ар бир хамр – харам”, – деген. Бул хадисти Муслим чыгарган.
Мына ошондуктан хамрдын өкүмдөрү спиртке аралаштырылган атырларга да колдонулат.
Бурадарыңыз Ато ибн Халил Абу ар-Рашта
21-ражаб, 1434-х. / 31-май, 2013-м.
