Яхудий вужуду Газадагы каршы ырайымсыз согушта 902 үй-бүлөнү бүтүндөй жок кылды

بِسْمِ اللهِ الرَّحْمٰنِ الرَّحِيمِ

Яхудий вужуду Газадагы каршы ырайымсыз согушта 902 үй-бүлөнү бүтүндөй жок кылды

Газа өкмөтүнүн маалымат бюросу 2024-жылы 2-октябрда жарыялаган билдирүүдө айтылгандай, баскынчы армия Американын толук колдоосу менен ишке ашырган геноцид кылмышы уланып, Газа секторунда бир жыл ичинде 902 фалестиндик үй-бүлө жок кылынды жана алардын бардык мүчөлөрү өлтүрүлүп, жарандык тизмеден чыгарылды. Билдирүүдө ар бир үй-бүлөнүн бир мүчөсү гана калган үй-бүлөлөр 1364, экиден мүчөсү калган үй-бүлөлөр 3472ге жеткенин кошумчалады.

Роя: Газа секторунда яхудийлер жасап жаткан, адамдарды, ал тургай бак-дарактарды аман калтырбаган геноцидге бир жыл болду. Бир жыл ичинде он миңдеген адам шахид болду жана жараланды, жүздөгөн үй-бүлөлөр жок кылынды. Инфраструктура ойрон болду, үйлөр, мектептер, университеттер жана мечиттер такаланды. Ооруканалар, саламаттыкты сактоо борборлору чабуулга учурады, жада калса адардын кээ бирлери кызмат көрсөтө албай турган абалга келди. Бүтүндөй жок кылынган бул үй-бүлөлөр яхудий вужудунун кылмышына жана ырайымсыздыгына күбө. Алар бүгүн кудуреттүү Падыша алдында туруп, мусулман өкүмдарларнын кыянатына арызданышууда. Себеби, дал ушул өкүмдарлар яхудий вужудунун коопсуздугун коргоп, Умматтын жана армиялардын Газа калкына ар кандай жардам көрсөтүү аракетин бастырышты. Газа калкы жана жаш балдары ачкачылык, суук, оору жана качкындыктан о.э. ырайымсыз кылмыш жана кыргындардан азап тартып жатканда, бул өкүмдарлар яхудий вужудуна жашылчаларды, мөмө-жемиштерди, суу, кийим-кече жана күйүүчү майларды жеткирип беришти. Алар Аллахка Ислам Умматы бул өкүмдарлардын кыянатына сүкүт сактап жатканына жана аларды кулатуу үчүн аракетке келбей жатканына арызданышууда. Уммат перзенттери жана күч-кубат ээлери арасындагы жардам берүүгө кудуреттүү кишилердин аларга жардам берүү үчүн аракетке келбей жатканына, кайра-кайра жардам сураган ый-муңуна жооп бербей жатканына, саткын өкүмдарлардын чеңгелинен чыгып, дин жана Умматтын сабына өтпөй жатканына Аллахка арызданышууда. Эгер Уммат жана күч-кубат ээлери боордошторуна жардам берүү, Расулуллах ﷺдын Исра жерин азат кылуу үчүн аракетке келбесе, Ислам Умматы Газа, Батыш жээк жана Ливанда мындай оор төлөмдү качанга чейин төлөйт?! Оо, Роббибиз, бизди да Расулуллах ﷺдын ансарлары сыяктуу алар себептүү дин азиз болгон жана алсыздарга жардам берген ансарлар менен сыйлагын!

 Роя гезити, №516, 2024-жыл, 9-октябрь.