Өзгөчө абал режими узартылды

Өзгөчө абал режими узартылды

 Президент Сооронбай Жээнбеков Бишкек, Ош, Жалал-Абад шаарлары жана Нарын облусунун Ат-Башы районунда өзгөчө абал режимин 10-майга чейин узартуу жөнүндө жарлыкка кол койду. Бул тууралуу президенттин маалымат кызматы кабарлады.

 Бул жарлык кол коюлган күндөн тарта күчүнө кирет жана Кыргыз Республикасынын Жогорку Кеңешине бекитүү үчүн жиберилет.

Депутат Элвира Сурабалдиева Жогорку Кеңеш 30-апрелде жалпы жыйынга чогулуп, Кыргызстандын өзгөчө абалды узартуу же токтотуу маселесин карай тургандыгын билдирди.

Комментарий: Светтик өкмөттөр жарандардын акы-укуктарын камсыздоодо негизги программа деп дабаа кылуучу конституцияларда да өзгөчө абал же өзгөчө кырдаал киргизилген учурда жарандар кандай акы-укуктарга ээ экендиги белгилеп коюлган.

А бирок, кыргыз бийлиги өлкөдө өзгөчө абал жарыялаганы менен өзүнүн мойнундаы милдеттерди аткарбады. Өзгөчө абал себептүү жумушунан айрылган же убактылуу жумушсуз калгандарга компенсация төлөп берүүгө аракет кылып да койбоду. Өкмөт алыскы жана жакынкы кошуналардан келген гуманитардык жардамдарды о.э. материалдык резервден бир аз ун таратып коюу менен чектелди. Жумушсуз калгандарга компенсация төлөп берүү, карантин учурунда коммуналдык төлөмдөрдү жокко чыгаруу иштерин кылбады. Карапайым калк негизинен кайрымдуу адамдардын жардамы менен күн көрүп жатат.

 Өкмөт карапайым калктын жашоо шартын эсепке албастан өзгөчө абалдын тартибин узартып келет. Жарандар ачка калса да өкмөт белгилеген тартипке моюн сунуп жаткан соң, өкмөт да өз конституциясында белгиленген милдеттерди аткарышы керек. Өзүбүздүн акы-укуктарыбызды талап кылалы!

 Абдурахман Адилов