Куддусту уу-заар акчалар эмес, сансыз кошуундар куткарат
«Нажах» сайты хижрий 1440-жылы 12-шаъбан, миладий 2019-жылы 18-апрель күнү жарыялаган кабарда мындай делет:
«Марокко королу, Куддус комитетинин төрагасы Мухаммад VI Акса мечитинин ичиндеги жана айланасындагы айрым жерлерди оңдоп-түзөө үчүн Марокко мамлекетинин кошкон салымы катары грант бөлдү.
Марокко тышкы иштер жана эл аралык кызматташтык министрлиги жарыялаган билдирүүдө мындай делет:
«Бул грант королубуздун Куддуси Шарифтин кызыкчылыгы үчүн жасаган чоң аракетинин алкагындагы белек. О.э. грант куддустуктарды колдоп-кубаттоо, ушул шаардын тарыхий макамын коргоп, маданий мурасын жана диний символун баса белгилөө, диндер ортосунда биримдикти жана боорукеңдикти бекемдөөгө багытталган».
Билдирүүдө айтылышынча, жогорудагы аракеттин алкагында Акса мечитинин тарыхий архитектурасын сактоо үчүн салттуу багыттагы архитекторлор жиберилет. Бул маселе Иорданиянын хашимий исламий Вакф мекемеси менен келишилген абалда алып барылууда».
Роя гезити:
Биринчиден, бул акчалар уу-заар каражаттар. Анын артында арамза максаттар турат. Негизи, Куддус каражатка же архитекторлорго муктаж эмес. Куддус мужахиддерге жана куткаруучуларга муктаж. Бирок, исламий өлкөлөрдөгү акимдер саткындык жана малайлыктары себептүү, яхудий вужудуна дос болушканы жана өзгөртүү шамалы натыйжасында солкулдап калган тактыларын жоготуудан коркуп жатышканы себептүү жогорудагы иш-аракеттерди жасашууда. Алардын максаты – ушундай жолдор аркылуу элдин туйгусун козгоп, аларды алдоо, ушундай гранттар аркылуу Фалестина жана Акса мечитине колдоо көрсөтүп жаткандай көрүнүү, ошол эле учурда, яхудий вужудун бүтүндөй жок кылып, алардын жырткычтыгынан түбөлүк куткара турган чыныгы чечимден мусулмандардын этибарын чалгытуу.
Марокко армиясы мындай малай режимди кулатууга жана Фалестинага такбир-тахлилдер менен кыйкырып келишип, яхудий вужудун түп-тамыры менен кулатууга жоопкер. Мына ошондо Умматтын жарасы айыгат, Куддус азат болуп, кубаныч-шаттыкка толот. Бул болсо Аллахтын бир гана солих пенделери жетише турган сыймык.
Роя гезити, №231, 2019-жыл, 24-апрель.
