Амидрор Газа калкына карата үч вариант сунуштады
Халифалык мамлекети кулатылгандан кийин Палестина жерлерине орношуп алган баскынчы яхудий вужуду ар түрдүү зулумдарды колдонуу менен миңдеген палестиналыктарды мекенин таштап кетүүгө мажбур кылды. Андан кийин алардын өз мекенине кайтып келүү укугун жокко чыгарды. Израиль расмийлери ушул планды бүгүнкү күндө Газа калкына карата колдонууну сунуштап жатат.
Израилдин Газа боюнча саясатын сындаган мурдагы коргоо министри Яков Амидрор Газа кризисин чечүү үчүн яхудийлердин алдында үч вариант бар экендигин билдирди. Яков Амидрордун билдиришинче, биринчи вариант – Газаны басып алып, ал жерде күчтүү экономиканы тикелөө жана аймактан Хамасты бүтүндөй жок кылуу. Экинчи вариант болсо, кыска убакыттын ичинде Газага бастырып кирип, Хамаска тиешелүү эмне бар болсо ошонун баарын талкалап, андан соң тез арада чыгып кетүү.
Бул эки варианттан кийин Израилдин башына балээлер жаай башташын билдирген Амидрор Израилдин келечегин коркунучка кептебей турган жана туруктуу чечимди камсыздай турган үчүнчү вариантты сунуштады. Ал вариант Газа калкын үй-жайларын таштап көчүп кетүүгө мажбурлоо. Амидрордун айтымында, Газадагы кризистин көпкө созулушу камсыздала турган болсо, блокадада калган Газа калкы үй-жайын таштап, көчүп кетүүгө мажбур болот жана алардын ордуна яхудийлер жайгашат.
