Россия Коргоо министри Сергей Шойгу Бишкекке келди
Кече Россия Коргоо министри Сергей Шойгу Бишкекке иш сапары менен келди.
Мындан тышкары, Россия президенттик администрация башчысынын биринчи орунбасары Сергей Кириенко да Бишкекке келген. Бул тууралуу Кыргызстан өкмөтүндөгү булакка таянып “24.kg” маалымат агенттиги кабарлады.
Кыргызстан расмийлери бул визиттер тууралуу кеңири маалымат таркатууну каалабай, болгону, Сергей Шойгунун зыяраты өзгөчө мүнөзгө ээ экендигин гана маалымдашкан. Кабарга караганда, жолугушууда президент Алмазбек Атамбаев менен Сергей Шойгу Россия-Кыргызстан кызматташтыгын бекемдөө маселесин талкуулашкан.
“24.kg” маалыматына ылайык, Россия коргоо министри артынан Бишкекке Россия президенттик администрация башчысынын биринчи орунбасары Сергей Кириенко да визит жасаган.
Агенттик булактары кабарлашынча, Сергей Кириенконун визити да Сергей Шойгунун визити сыяктуу өзгөчө мүнөзгө ээ.
Россиянын Кыргызстандагы элчиканасы Кремлдин жогору мартабалуу расмийи Сергей Кириенконун Бишкекке келгенин тастыктады. Бирок, элчикана кызматкерлери Бишкекте болуп өткөн бул жолугушуулардын программасы жана максаты тууралуу маалымат бергиси келген эмес. Сергей Шойгунун визити тууралуу түшүндүрмө берүүдөн баш тартышкан.
Туркистон:
Куфр дүйнөсү Орто Азияда кезектеги катуу бир силкинүүгө даярдык көрүп жатышкандай аракеттенишүүдө. Алар өз айланаларына өздөрүнө ыктаган жетекчилерди топтоп алып, алар аркылуу Орто Азия регионунда жүрүп жаткан репрессияны дагы да күчөтүү менен, согуш кырдаалын пайда кылышмакчы. Себеби, Афганистан дүрбөлөңү Орто Азия өлкөлөрүндө мамлекет тарабынан кылынып жаткан мусулмандарга карата репрессиялык иштердин дагы да күчөтүлүшүнө шарт жаратып берет. Бул болсо, өз кезегинде мамлекет менен мусулмандар ортосундагы жараканы кеңейтет. Натыйжада, Афганистандагы абал Орто Азияга көчүп өтүшү үчүн абдан курч кырдаал жүзөгө келет. Кыянатчы жетекчилерибиз муну билип турса да, кафир кожоюндары тарабынан убада кылынган “амандыкка”алданып,, өз өлкөлөрүн жар жакасына карай алып барышууда.
Мамлекет башчылары кафирлерге кызматчы болуп кетишсе, мунун каршысында, биз, мусулмандар кандай позицияда турушубуз керек?
Эң оболу иштин акыйкатын аңдап жетип, бирер кызыкчылык үчүн туура ой жүгүртүүдөн ооп кетпешибиз важиб. Акыйкатты аңдоо дегени – жүрүп жаткан жараяндарга исламий саясий аң-сезим менен баа берүүгө аракет кылуу дегени. Т.а. куфр мусулмандар ортосундагы алакаларды бузуп, арабызды ажыратып, өз ара душмандык салып, бирибизди бирибизге каршы коймокчу. Муну аңдап жеткен мусулман куфрдун бу максаты кандай акыбеттерге алып барышын, аларга ээрчиш же четке кагыштын шарий тараптарын аңдай баштайт. Ошондо ал туура жана жемиштүү (туура багытталган, пайдалуу) пикирлей баштайт. Лекин шайтан уктабайт, мусулмандарга мына ушундай басым (сыноо) келгенде, мусулмандар эки тандоо арасында калат. Бир тарапта жашоо кызыкчылыктары (кызмат орун, эркиндик, материалдык пайда ж.б.) экинчи тарапта ачык-айкын акыйкат (ар бир зулумга каршы шаръий мамилелер) турат. Бурадарлар, биз эң биринчи Ислам жана мусулмандар тууралуу жаман ойдо болуудан тыйылышыбыз керек. Андан соң, эң жаман мусулманды да куфрга тапшырып бербешибиз керек, кафир анын үстүнөн өкүм чыгарышына ыраазы болбошубуз важиб. Себеби, ар бир мусулман каарман, шахид, гозий жана сабыр ээси боло албашы мүмкүн. Бирок, ар бир мусулман саткындар сабына кошулуудан өзүн тыйып, Ислам жана мусулмандарга каршы күбөлүк берүүдөн баш тарта алат. Бурадарлар, ыйманыбызды сактап калалы! Кафирлердин ыфлас долбоорлорун биздин үстүбүзгө ишке ашырганы жаткан кыянатчы жетекчилерибизди мындай жийиркеничтүү кылмыштарынан токтотуп калалы. Анткени, алардын мындай карасанатай пландарын биздин биримдигибиз гана токтото алат!
