Армия жана акимдерден тышкары, бүтүндөй Үммөт Халаб үчүн бутка турду
АКШ башчылыгындагы Россия, Иран жана Асад режиминин Халабда (Алепподо) ишке ашырган кыргындары, Хизб ут-Тахрир ишмердүүлүгүн жүргүзүп жаткан бир нече мамлекеттердеги хизбдин демилгеси жана олуттуу аракеттери себептүү, катуу каршылыктарга учурады. Бул кыргындарга каршы нааразылык акциялары Түркия, Ливан, Палестина, Индонезия, Малайзия, Танзания, Кения, Пакистан, Нидерландия, Улуу Британия, Дания, Австралия, Бельгия жана АКШда кеӊири масштабда өткөрүлдү.
Ушул иш-чараларда 2011-жылы башталган Сирия ынкылабын бастыруу, Халаб калкын качкынга айлантуу жана моюн сундуруу үчүн Россия жана Асад режими тарабынан ишке ашырылып жаткан кыргындар артында АКШ тургандыгына басым жасалды. Бул кыргындарга Ислам өлкөлөрүнүн башчылары жана армиялары жөн гана көрүүчү болуп тургандыгы да баса белгиленди.
Нааразылык акциялары кээ бир мамлекеттерде АКШ жана Россия элчиканалары алдында өткөрүлгөн болсо, айрым мамлекеттерде Сирия элчиканасы, айрымдарында болсо Түркия элчиканасынын алдында болуп өттү. Анткени, Хизбут-Тахрир Халаб Асад жана Иранга караштуу күчтөрдүн колуна өтүп кетишинин о.э. бардык мусулмандар Халабдан эвакуация кылынышында Түркиянын кыянаты өтө чоӊ рол ойногондугун да ачык баян кылды. О.э. Түркия “Ефрат калканы” операциясы аркылуу Халабдын коргонуусун алсыраткандыгы жана оппозициялык топторго берген материалдык жардамы менен аларды АКШнын сүйлөшүү столуна отургузууга аракет кылгандыгы да ачыкталды.
Хизб ут-Тахрир айрыкча Түркияда “Эй армия, Халабга алга” урааны астында Исламий өлкөлөрдүн башчылары жана армияларына кайрылуу жолдоду. Халаб канкорлор колунан кутулуу үчүн азык-түлүк жана кийим-кечелерге эмес, эр жүрөк командачылар менен аскерлерге муктаж экендигине көӊүлдү бурду. А бирок, бул кайрылууга алардан жооп келбеди. Мусулмандар жардамсыз ташталып, кыянаттын курмандыгы болушту.
https://www.youtube.com/watch?v=IFQFlX93CgI
