Наталья Войтенкованын 24-март күнү “Азаттык” радиосунун орус кызматына билдиришинче, Павлодар областында жайгашкан №162/2-абак ооруканасында жаза мөөнөтүн өтөп жаткан күйөөсү Рафис Галиулинди кыйноолорго салып жатышат. Муслима карындашыбыз бул арызы президенттик админстрацияга, башкы прокурорго, ИИМге, Жаза аткаруу комитетине жана “Нур Отан” партиясына жетип барышына аракет кылып жатат.
Казакстанда исламий даъваты көтөрүп чыгууда Хизб ут-Тахрирдин сабында ишмердүүлүгүн жүргүзгөнү себептүү 2010-жылдын август айында 7 жылга эркинен ажыратылган Рафис Галиулин акыйкатсыздык менен белгиленген жаза мөөнөтүн Караганда областына караштуу Жезказган шаарындагы абакта өтөп жаткан эле. А бирок, абактын жетекчилиги аны ишениминен кайтаруу үчүн тынымсыз колдонгон кыйноолор себептүү саламаттыгын жоготкон боордошубуз мындан бир ай мурда Павлодардагы абак ооруканасына которулган эле. Наталья Войтенкованын айтымында, анын күйөөсүн абактын тартибин тынымсыз бузгандыкта айыпташып, жаза түрүн күчөтүлгөн режимге өзгөртүшкөн. Ошондуктан, ал телефон аркылуу сүйлөшүү жана узак мөөнөттүү жолугушуу алуу укугунан ажыратылган.
Наталья Войтенкованын айтымында, анын күйөөсүн жана башка оорулуу туткундарды абактын жетекчилигине кызмат кылуучу эки кылмышкер кыйнап келүүдө. Боордошубузга эртелеп дааратканага барууга уруксат берилбей жатат о.э. абактын тамагын толук жегени мүмкүнчүлүк бербестик максатында атайылап тоскоолдуктарды пайда кылып жатышат. Күндүзү болсо бир аз жатып эс алууга мүмкүнчүлүк бербей, басып жүрүүгө мажбурлап жатышат.
45 жаштагы Рафис Галиулиндин жаза мөөнөтү ушул жылдын октябрь айында бүтүшү керек. Бирок, Наталья ден соолугу себептүү ал кезге чейин жетип барбастыгынан, же басым өткөрүүлөргө карабастан ишениминде бекем турганы себептүү жаза мөөнөтү кошуп берилишинен тынчсызданууда.
Туркистон:
Казакстан да, Россия жана Кыргызстан сыяктуу эле абактагы туткундарды Советтер Союзунан калган бузук система негизинде кармап келет.
Бул система бандиттер дүйнөсү менен байланыштуу болуп, алар тарабынан иштелип чыккан “уурулар идеясы” деп аталуучу система аркылуу башкарылат. Бул система Советтер Союзу алгачкы бийлигин жүргүзө баштаган кезде капиталисттик буржуйларга каршы көчө бандиттери менен тил бириктирүүнүн натыйжасында пайда болгон. Негизинен КМШга мүчө мамлекеттер бүгүнкү күнгө чейин өздөрүндөгү абактарды ушул бандиттер идеясы жардамында көзөмөл кылып келишет.
Казакстан да мындан четте калбаган. Өкмөт тарабынан дайындалган абак кызматкерлери “воровская идея” башчылары менен жашыруун кызматташуу негизинде абактардагы туткундарды башкарып келишет. Уурулар өздөрү үчүн мамлекет тарабынан түзүп берилүүчү бир катар артыкчылыктардын акысына абак кызматкерлери үчүн ичкериде тартипти сактап беришет.
Абактар – көзөмлдөөчү органдар жана алардын үстүндөгү жогорку даражалуу чиновниктер үчүн – байлык топтоочу тармак болуп калган. Алар туткундар үчүн бюджеттен бөлүнгөн өтө чоӊ өлчөмдөгү каражаттарды өздөштүрүп алышат. Уурулар болсо, алардын былыктары ачылып кетиши мүмкүн болгон туткундардын нааразылык аракеттерин басып туруу менен аларга жардам беришет.Себеби, бюджеттен абак жана туткундар үчүн бөлүнгөн каражаттар максатка ылайык колдонулбайт. Т.а. туткундарды кармап туруу үчүн бөлүнгөн каражаттардын төрттөн бир бөлүгү да абактарга жетип барбайт. Адамды белгиленген даражада кармап туруу үчүн бөлүнгөн азык-түлүк продукциялары туткундарга жетип барбайт. Натыйжада, келип чыгышы мүмкүн болгон нааразылыктарды “уурулар идеясы” жардамында басып туруу керек болот. Ушундай максатта, Советтер доорунан бүгүнкү күнгө чейин бийлик менен бандиттер ортосунда жашыруун кызматташтык келишими иштеп келет.
Акыркы кездерде, бузуку өкмөттөр кол астындагы ууруларды исламий идеологиялык кыймылдарга каршы коё башташты. Өзбекстанда кореец улутундагы боордошубуз Евгений Анды да “уурулар идеясына” амал кылган туткундар өлтүрүштү. Ал боордошубуз абакта Ислам динин кабыл алып, Хизб ут – Тахрир исламий партиясына мүчө болгон эле. Алардын дагы бир катар мусулман боордошторубузга кысым көрсөтүп жатканы жөнүндө маалыматтар келип жатат. Эми Казакстанда да ушул сыяктуу абал жүз берип жатканы айтылууда.
Коомубуз исламий жашоонун астанасына келип калды. Биз уурулардан же ыпылас ыкмалардын негиздөөчүлөрү болгон акимдерден коркпойбуз. Аларга каршы маддий аракеттерди кылбай жатканыбыз да алардан коркконубуз себептүү эмес. Тескерисинче, шаръий өкүм Пайгамбарыбыз САВдын сийраты менен түшүрүлгөн болуп, биз ага итаат кылууга мажбур болгонубуздан. Бирок, маалымат тармагындагы атайын дайындалган адамдарыбыз ар бир залимди белгилеп турушат. Ислам мамлекети тикеленип, шаръий өкүмдөр аткарыла башташы менен бул залимдер исламий казынын өкүмү менен албетте шаръий жазаларын алышат.
