Ташкентте терроризмди каржылоого каршы күрөшүү маселеси талкууланат

281
0

“kun.uz” сайтынын кабар беришинче, 21-май күнү Ташкентте терроризмди каржылоо жана кылмыштуу жол менен табылган кирешелерди легалдаштырууга каршы Евразия тобунун  22-жалпы жыйыны өткөрүлөт.

 Ушул жалпы жыйында Евразия тобунун мүчөлөрү болгон Өзбекстан, Белорусия, Индия, Казакстан, Кытай, Кыргызстан, Россия, Тажикстан, Түркмөнстан мамлекеттеринин делегациялары о.э. күзөтүүчү уюмдардын өкүлдөрү катышат. ШКУнун терроризмге каршы аймактык бөлүмү, СНГнын антитеррор борбору, ЕККУнун өкүлдөрү о.э. Италия, АКШ, Польша, Франция жана Черногориядан келе турган делегациялар күзөтүүчү делегациялар болуп эсептелишет.

 Жалпы жыйындын алкагында тараптар Евразия тобунун алкагында терроризмге каршы күрөштү күчөтүү маселесин карап чыгышат. Ар бир мамлекетте “мыйзамсыз акчаларды легалдаштыуу” жана терроризмди каржылоо абалдарына каршы күрөшүү маселелери талкуунун негизи болушу күтүлүүдө. Мындан тышкары, тараптар терроризмге каршы күрөштө өз ара кызматташтыкты күчөтүү маселелерин карап чыгышат.

 18-май күнү ушул жыйындын алдында жумушчу топ өз ишин баштады. Өзбекстан терроризмди каржылоо жана кылмыштуу кирешелерди легалдаштырууга каршы Евразия тобуна 2005-жылы мүчө болгон. Башкы прокуратуранын алдындагы салык, валютага тиешелүү кылмыштарга жана кылмыштуу кирешелерди легалдаштырууга каршы күрөшүү бөлүмү Евразия тобу туурасындагы келишимди ишке ашыруу боюнча жооптуу болуп эсептелет.

LEAVE A REPLY

Please enter your comment!
Please enter your name here