Икбал: Пакистан эӊ кыска убакыттын ичинде “Азия кабыланына” айланат

250
0

 Пакистан экономикалык өнүгүү министри Ихсан Икбал Кытай менен Пакистан ортосундагы экономикалык алакалар өнүгүп бара жаткандыгына басым жасап, Кытайдын колдоосу менен Пакистан эң кыска убакыттын ичинде экономикалык жактан “Азия кабыланы”на айлана тургандыгын билдирди.

Ихсан Икбал журналисттер үчүн уюштурулган маалымат жыйынында Кытай президенти Си Цзиньпиндин Пакистанга уюштура турган сапары алкагында 45 миллион доллар өлчөмүндөгү “Пакистан-Кытай экономикалык жолу” долбооруна кол коюлушун билдирди.

Ихсан Икбал Кытайдын батыш бөлүгүнөн башталып Пакистандын түштүгүндөгү Гвадар портуна чейин жетип бара турган “Пакистан-Кытай экономикалык жолу” долбоорун “тарыхий долбоор” катары баалады. Анын айтымында, Кытай өкмөтү бул долбоорду ишке ашыруу аркылуу Түштүк Азия жана Орто Азия калктарынын өнүгүшүнө да өтө чоӊ салым кошкон болот.

Пакистан экономикалык өнүгүү министринин айтымында, долбоордун 37 миллиард долларлык бөлүгү шамалдан, суудан жана күн нурунан электр энергиясын иштеп чыгаруу сыяктуу бир катар энергетикалык тармактар үчүн инвестиция жаткырууга бөлүнөт. Бардык инвестициялар жеке жана мамлекеттик секторлор кызматташтыгында ишке ашырылат, кредит аралаштырылбайт, бул долбоор бардык чет өлкөлүк инвесторлор үчүн ачык калат.

Кытайдын Исламабаддагы элчиси Сунь Вэйдун да Пакистандын эл аралык басма сөз агенттиги “APP”га берген интервьюсунда “Пакистан-Кытай экономикалык жолу” долбоору ишке ашырылышы үчүн ортоктош кызматташтык комитети жана төрт  жумушчу топ түзүлгөндүгүн билдирди.

“9 жылдык тыныгуудан кийин Кытай мамлекетинин президенти расмий сапар менен Пакистанга келе жатат. Эки мамлекеттин ички жана тышкы саясаттары ар түрдүү болсо да, мунун алакаларыбызга таптакыр таасири жок”, “Пакистан-Кытай экономикалык жолу” долбоорун ишке ашыруу үчүн ортоктош кызматташтык комитети жана төрт жумушчу топ түзүлдү. Комитет долбоордун жалпы планын түзүп чыгат. Төрт жумушчу топ болсо ушул долбоорго жоопкер. Бул долбоордун артынан Европа жана Африка мамлекеттерине товар экспорт жана импорт кылуу мүмкүнчүлүгүнө жетишебиз жана мамлекеттерибизди өнүгүүнү көздөй жетектеген бир күч пайда болот”, – деди Кытайдын элчиси Вэйдун.

LEAVE A REPLY

Please enter your comment!
Please enter your name here