АКШ аскерийлери Украинага келди

262
0

Украина чыгышындагы россиячыл күчтөргө каршы жүрүп жаткан операцияларды өз ичине алган “Террорго каршы күрөш” борборунун маалымат катчысы Андрей Лысенко АКШ армиясынын 173-отрядына караштуу 300 аскер Украинанын Львов шаарына келип түшкөндүгүн билдирди.

Лысенконун билдирүүсүнө ылайык, АКШдан келген 300 аскер Украина куралдуу күчтөрүн аскерий машыгуудан өткөрөт. Андан кийин АКШ жана Украина аскерийлери Львовдогу Яворвский аскерий полигонунда уюштурула турган ортоктош аскерий манёврга катышат.

Амеркалык аскерийлер эмдиги аптадан баштап мамлекеттин түштүгүндөгү Львов шаарына жакын жерде жайгашкан аскерий полигондо 900 Украина аскерин аскерий машыгуудан өткөрүүнү баштайт. Үч баскычтан турган аскерий машыгуунун ар бир баскычы сегиз аптадан болот. Аскерий машыгуу аяктагандан кийин кудум ушул полигондун өзүндө АКШ жана Украина аскерийлери биргеликте аскерий манёвр өткөрүшөт.

Мындан мурда Украина президенти Петро Порошенко менен АКШ президентинин кеңешчиси Жо Байден Америка аскерийлери тарабынан Украина куралдуу күчтөрүн аскерий машыгуудан өткөрүү жана эки мамлекет ортосунда ортоктош аскерий манёвр өткөрүү туурасындагы келишимге кол койгон эле.

Украина жерлерине чет өлкөлүк аскерлердин орношуусун “Коркунуч” катары баалаган Россия президентинин маалымат катчысы Дмитрий Песков АКШ аскерийлеринин Украинага келиши ал жердеги кырдаалдын изден чыгышына себеп болушунан эскертти.

“Украинада үчүнчү тараптын аскерийлери жана адистеринин бар болуп турушу келишимдин ишке ашуусу үчүн формула кылып белгиленген чөйрөгө туура келбейт, тескерисинче, кырдаалдын изден чыгышына алып барат”, – деди Россия президентинин маалымат катчысы.

Россия тышкы иштер министрлиги да билдирүү чыгарып, АКШ аскерийлеринин Украинага киргизилиши таптакыр тынчтык алып келбестигин билдирди.

“АКШ өкмөтү Украинада өз аскерийлерин жайгаштыруу аркылуу орус аскерийлеринин Донбасстагы вужуду туурасында айтылып оозеки даабаларды дагы да күчөтүүгө аракет кылууда. Түпкүлүгүндө болсо, Львов регионунда Пентагон аскерийлеринен айырмалуу көрүнүштө Россия аскерийлерин эч ким көргөн эмес. АКШ аскерийлеринин Украина жерлерине тынчтык алып келбестиги ачык көрүнүп турат”, – деп айтылат Россия тышкы иштер министрлиги тарабынан чыгарылган билдирүүдө.

Туркистон:

Мындан бир аз мурда АКШнын Европадагы куралдуу күчтөрүнүн командачысы Ходжес “Россиядан коркунуч божомол эмес, акыйкат” деп НАТОго мүчө мамлекеттерди биригүүгө чакырган эле. Эми Украинага аскерлерин алып кире баштады. Бул АКШнын классикалык ыкмасы болуп, дүйнөдөгү алсыз мамлекеттерди басып алуу үчүн алгач жалган коркунуч пайда кылат, андан кийин аскерий колония кылып алуу үчүн аскер алып кире баштайт.

Россия эмне кылышы мүмкүн. Ал ыӊгайсыз абалда калды. Эгерде расмий согуш ачса же ал да регионго аскер алып кире баштаса АКШнын мурунку айткандарын тастыктаган болот. Анда Россия НАТО күчтөрү үчүн бүтүндөй Украинага кирип алышына шарт түзүп берген болот. Унчукпай карап тура турган болсо, АКШ Крымды сурай баштайт. Андан тышкары, Россия чегарасы тарапка НАТОнун базаларын алып кире баштайт.

АКШ калтыс аракет кылууда. Бирок, ар дайымкыдай эле калтыстыктан күтүлө турган кооп-коркунуч башка өлкө жана элдин үстүнө түшөт. Россия чындыгында согуш ачып жибериши мүмкүн. Бирок, бул согуш АКШ айтып жаткандай мурдатан пландаштыргандыктан эмес. Тескерисинче, аны АКШ провокация кылгандыктан башталышы мүмкүн.

LEAVE A REPLY

Please enter your comment!
Please enter your name here