Россиянын премьер-министри Димитрий Медведев Украина кризиси тууралуу сөз кылып, Россияга карата АКШ тарабынан киргизилген санкцияны “суук согуштун” жаңыдан башталышы деп сүрөттөдү.
Итар-Тасс маалымат агенттиги таркаткан кабарга ылайык, премьер-министр Медведев АКШнын бул аракети эч кимге пайдалуу болбостугун баса белгиледи.
Медведев: “Түпкүлүгүндө биз акырындап суук согушка карай бара жатабыз. Анык болгондой, бул эч кимге пайда алып келбейт. Саясаттын сыры жетиштүү даражада сабырдуу жана этибардуу болууда о.э. аӊ-сезимдүү көрүнүштө чечим кабыл алууда. Ойлошумча, Обама муну узак убакытта ишке ашырууга жетишти. Ал эми учурда болуп жаткан иштер АКШнын бул сыяктуу токтомдордон ашыгын кабыл ала албагандыгын көрсөтүүдө”, – деди.
“Обама менен бүгүнкү күнгө чейин жетишкен натыйжаларыбыз жокко чыкты. Бул болсо, мени өкүндүрөт. Бул иштер эч бир көрүнүштө натыйжа бербейт. Обаманын ордуна башка президент келет жана бардык санкцияны унутат. Эч ким мындан пайда таппайт”, – деп кошумчалады премьер-министр.
О.э. ал дагы: “Биз санкция тарапкечи эмеспиз. Биз бул санкцияларга олуттуу көрүнштө жооп да бербейбиз. Биз санкция киргизген өлкөгө өзүнө жараша жооп кайтарышыбыз мүмкүн болчу. А бирок, андай кылбадык. Санкциялар эл аралык экономикалык алакаларга зыян жеткирет. Санкциялар жалаӊ гана саясатчылардын өз чечимдеринен кадыржам болгондуктарын далилдөө жана бардыгына күчүн көрсөтүп коюу үчүн болду”, – деди.
Санкция Россия экономикасына олуттуу таасир тийгизбегендигин айткан Медведев: “Россия экономикасы – эмне болгондо да – кулабайт. Биз эч бир мамлекетке андай учур пайда болушуна жол бербейбиз. Ар кандай абалда да биз элибизге карата өз жоопкерчилигибизди өз ордуна коёбуз. Россия улуу бир мамлекет, кырдаалды көзөмөлдөй алат”, – деп баса белгиледи.
