Кыргызстандын Улуттук коопсуздук мамлекеттик комитети Ош ТВ телеканалына карата КР кылмыш кодексинин “Аймактар аралык душмандык козгоо” беренеси боюнча кылмыш ишин козгоду. Бул тууралуу 1-февраль күнү “Вечерний Бишкек” гезитине УКМКнын маалымат кызматы билдирди.
“Кылмыш иши 29-январь күнү козголду, ыкчам тергөө иштери жүрүп жатат о.э. кечээ (31-январь күнү) телеканалда тинтүү жүргүзүлдү”, – деп кабар кылды УКМКнын маалымат кызматы.
“Вечерний Бишкек”тин “кандай негиз менен телеканал аймактар аралык жаӊжал козгоодо айыпталууда” деген суроосуна маалымат кызматы жооп берүүдөн баш тартты.
“Биз кандай негиз менен Ош ТВга карата кылмыш иши козголгондугун азырынча айта албайбыз”, – деди УКМКнын маалымат кызматы.
