АТАМБАЕВ: ПУТИН МЕНИ ШАНТАЖ КЫЛУУДА

Кыргызстан Кремль сунуштаган шарттар негизинде Бажы биримдигине кошулуудан баш тартты. Президент Алмазбек Атамбаев мамлекеттин Бажы биримдигине кошулуусу боюнча кабыл алынган “жол картасына” коментарий берип жатып: “Биз Кыргызстан жарандарынын кызыкчылыктарына туура келе турган жол менен жүрөбүз”, – деди.

  Ал Кыргызстанда сунушталган кызматташтыкка альтернативдик варианттар аз болсо да, а бирок, мамлекет Россия, Беларуссия жана Казакстанга “Бишкектин шарттары аткарылганда гана” кошула тургандыгын айтып өттү.

“Кантип эле силер мени ушул күнгө чейин билбейсиӊер? Мамлекеттин зыянына бирер ишти аткаруу үчүн мага басым өткөрүү пайдасыз. Биздин талаптар аткарылган күндө гана Бажы биримдигине кошулабыз. Атамбаевди шантаж кылуунун мүмкүнчүлүгү жок, мен абдан тапталып болгонмун. Бизде тандоо мүмкүнчүлүгү аз, а бирок, биз кыргыздарды канааттандыра турган жана биздин кызыкчылыктарыбызды коргой турган жол менен жүрөбүз”, – деди Атамбаев 16-декабрдагы маалымат жыйынында.

Туркистон: Атамбаев Батыш менен Россия ортосунда экөөнү теӊ капа кылбастыкка аракет кылууда. Кыргызстандын абалы өтө начар. Жазда тополоӊдордун башталуу ыктымалы күчтүү жана ыӊгайлуу болуп турат. Оппозициялык күчтөр бийликти кулатуу үчүн бардык шарттарды даярдап жатышат. Буга тышкы күчтөрдүн каражат менен камсыздап жибериши гана жетиштүү болот.