ВЕЛИКОБРИТАНИЯ ЕГИПЕТТИН АТАЙЫН КЫЗМАТТАРЫ МЕНЕН КЫЗМАТТАШУУНУ ТОКТОТТУ

Великобритания Мисирдин атайын кызматтары менен кызматташуу боюнча келишилген бардык келишимдердин иш-аракеттерин токтотту о.э. ал мамлекетке болгон экспорттук жеткирип берүүлөрдүн лицензияларын кайра чакырып алды.

«Биз Египеттин атайын кызматтары менен кызматташуу программасынын иш-аракеттерин токтоттук. Ошол эле учурда, Египетке болгон экспорттук жеткирип берүүлөрдүн бир катар лицензиялары чакырып алынды», – деп билдирди Британия тышкы иштер министри Уильям Хейг.

Хейгдин пикири боюнча, Евросоюз өзүнүн Египетке жардам берүү программасын кайра карап чыгышы керек. «Биз Египет окуяларына олуттуу жооп беришибиз керек жана келечекте Египетке жардам да беришибиз керек, ушуну менен бирге, андагы окуяларга таасир этүү мүмкүнчүлүктөрүнөн айрылып да калбашыбыз керек. Азыр биз ушундай тең салмактуулукту издеп жатабыз», – деп билдирди министр.

Ушул аптада Брюсселде ЕС тышкы иштер министрлеринин Египет боюнча чукул жолугушуусу болуп өтөт.

Уильям Хейг Египет жана бүткүл региондогу кризиске да быкаа бере кетти. «Жакынкы Чыгыш абдан татаал, ал тургай жар жакасындагы абалга кептелди, – деп белгиледи ал – бул кризистен чыгуу үчүн атургай ондогон жылдар талап кылынат. Биз бекем нервдерге ээ болуп, аймактагы демократиялык институттарды колдошубуз керек жана каршылаш тараптар баарлашуулары үчүн кызматашуубуз зарыл».

Жакынкы күндөрдө Евросоюз Мисирге курал жеткирип берүүлөргө эмбарго киргизүүсү күтүлүүдө. Бул мамлекетке курал-жарак экспортун Германия, Франция, Великобритания жана Италия токтоткон. Ал эми экономикалык жардамдарды токтотуу тууралуу сөз боло элек.